Read Beembe Mat 1 Bible Online

Mat 1 - Beembe bible

Mat 1

¹Mukaanda kinkaaka kya Yesu Kiristo, mwaana Davidi, mwaana Abalaami.

²Abalaami wabuta Isaki, Isaki wabuta Yakobe, Yakobe wabuta Yuda na bampaangi baandi.

³Yuda wabuta Fare na Dzara mu Tamara. Fare wabuta Eseromo, Eseromo wabuta Arama.

⁴Arama wabuta Aminadaba, Aminadaba wabuta Naasoni. Naasoni wabuta Salemoni,

⁵Salemoni wabuta Bwese mu Lakabi, Bohese wabuta Yobede mu Luta, Yobede wabuta Yesayi,

⁶Yesayi wabuta Davidi mbyaasi. Davidi wabuta Solomo mu mukasi Urya,

⁷Solomo wabuta Lobohami, Lobohami wabuta Abya, Abya wabuta Asafi,

⁸Asafi wabuta Yosafati, Yosafati wabuta Yorama, Yorama wabuta Odzya,

⁹Odzya wabuta Yohatama, Yohatama wabuta Akadzi, Akadzi wabuta Edzekya,

¹⁰Edzekya wabuta Manase, Manase wabuta Amosi, Amosi wabuta Yosya,

¹¹Yosya wabuta Yekonya na bampaangi baandi, mu ntaangu ya natunu baatu ku Babiloni.

¹²Ha mambisa ma natunu baatu ku Babiloni, Yekonya wabuta Salatyeli, Salatyeli wabuta Dzorobabele,

¹³Dzorobabele wabuta Abiyudi, Abiyudi wabuta Elyakimi, Elyakimi wabuta Adzoro,

¹⁴Adzoro wabuta Sadoki, Sadoki wabuta Akimi, Akimi wabuta Eliyudi,

¹⁵Eliyudi wabuta Eleyadzara, Eleyadzara wabuta Matani, Matani wabuta Yakobe,

¹⁶Yakobe wabuta Yosefi, mulumi Mariya, maba buta Yesu wubateelaa ti Kiristo.

¹⁷Biseendu byobinso: kuholosono mu Abalaami natee mu Davidi, biseendu kuumi na bina; kuholosono mu Davidi natee natunu baatu ku Babiloni, biseendu kuumi na bina; kuholosono natunu baatu ku Babiloni natee mu Kiristo, biseendu kuumi na bina.

¹⁸Mbutukulu ya Yesu Kiristo yaba bumabu. Mariya, nguri yaandi, waba na lulelusunu lwa makweele na Yosefi. Tekesele badzakala nzo mosi, nde wabaka yimi mu mpinu dza Mpeeve Yangisi.

¹⁹Yosefi, mulumi waandi, bu kaba muutu wasuunguma na bu kaba wahele kutya kumusaana ha busu bwa baatu, watsima kuhambikisa na nde mu nsweeki.

²⁰Bu kaba mu kwetsima mimyo, mbasi ya Mfumu yamumonokono mu ndosi, yamuleele ti: «Yosefi, mwaana Davidi, yaa ba na boomo ko mu kuholo Mariya, mukasi waaku, bukuri mwaana wubutuka mu nde, mu mpinu dza Mpeeve, wangisi.

²¹Nde sa kabuta mwaana wa mubakala na ye sa wamuteele nkuumbu Yesu; bukuri nde sa kabvuukisa baatu baandi mu masumu ma bo.»

²²Myominso mimyo mayirimini, mpisi heki ma leeriri Mfumu mu mubikiri, meende mu mana:

²³«Mono, mwaa-ntuumba ya nswaasa sa kabaka yimi, na sa kabuta mwaana wa mubakala, na sa bamuteele nkuumbu Emanweli.» — Mbangukulu ti: «Nzaambi wuri na beetu». —

²⁴Yosefi kamanaa kusiimbika tolo, wayirika bunu bwa mutumini mbasi ya Mfumu, na waholo mukasi waandi.

²⁵Ngo nde kasii yaaba kimpene kya mukasi ko, natee ku kabutiri mwaana, na wamuteele nkuumbu Yesu.