Read Beembe Luk 14 Bible Online

Luk 14 - Beembe bible

Luk 14

¹Kiluumbu kimosi kya mpuumunu Yesu wayende kwedya ku nzo mosi mu bakuutu ba Bafarisi. Bo baba mukuketaana.

²Mubeeru manyaanga mosi waba wateleme ha busu bwa nde.

³Yesu wabaangula mbeembu waleele kuri bayikisi ba mangisi na Bafarisi ti: «Buri kuri na miswa mu kubuka mubeeru mu kiluumbu kya mpuumunu hoti pele?»

⁴Ngo ba baba bawura! Yesu wamuholo, wamutsinikisa na wamubvutula.

⁵Yesu waleele kuri bo ti: «Na mu beenu, wuri mwaana bunu pe ngoombo yisonokaa munsa bulu, mu kiluumbu kya mpuumunu, wahele kwemutoombolo mu mawasu?»

⁶Bo basii bangusina kuha mvutu mu mimyo ko.

⁷Yesu kamona baatu, babatumisini ku munkeembu, bakwesoolo bibeendu byatete, nde wata nkuma yimayi kuri bobanso, wabaleele ti:

⁸«Habaanaa muutu wukuteeriri mbila ku makweele, lo yaa kala kibeendu kyatete ko, mu kubata kuri ti muutu walukiinsu wubvuri na ye, wukateeriryee, kamana kutubuka,

⁹wunde wuluteeriryee mbila beenu boolo kaleele kuri ye ti: "Muha kibeendu", na haho ye wubaandika kumono nsoni, mu kwedzakala ha kibeendu kya mpotulu.

¹⁰Habaanaa bakuteeriri mbila, weendaana, dzakala lwaaku ha kibeendu kya mpotulu, mpisi heki wunde wukuteeriryee mbila kakuleele ti: "Nduku yaami, naaka ha yulu ha; haho ye wuba mu nkeembu", ha busu bwa bobanso badzakala na ye mu kudya.

¹¹Mukwongo mpisi wunde wadzaangusa nde-meene, sa bamukulula, na mpisi wunde wukuluka nde-meene sa bamudzaangisa.»

¹²Yesu waleele kuri muutu wunde wamuteeriri mbila ti: «Wubaanaa wuyirika mubuluku bunu pe ndiilu ya nsinsika, yaa teele banduku baaku mbila ko, na bampaangi baaku, na ba mu kaanda, na bambaasi bisina mu kubata kuri ti bo se bwee bakuteeriri mbila, na bakubvutukila ma yirikiryee.

¹³Ngo kasi, habaanaa wuyirika mbwaanunu baatu, lo teele bawelu, bari na bipfuumi, babeele miilu na bafwa miisu.

¹⁴Na ye sa ba mu kiminu bukuri, bo babaka bya kubvutula kuri ye ko. Mukwongo, ye sa taambula byo, ha ba mfulukulu ya basuunguma.»

¹⁵Mosi mu baba balaambula miilu mu kudya, bu kayuka mamo, waleele kuri nde ti: «Kiminu kuri wunde mbasi-tsuku wudya mbyandya mu Kimfumu kya Nzaambi.»

¹⁶Yesu waleele kuri nde ti: «Muutu mosi kayirikaana ndiilu yayinene ya nsinsika, wateele baatu balaka mbila.

¹⁷Nde waheeke kisari kyaandi, mu kilookolo kya ndiilu, mu kweleele kuri ba kateeriri mbila ti: "Wasee, bukuri byobinso byeki byayirima."

¹⁸Bobanso, mu kitsimi kimosi, babaandika kubaka mpengumunu. Watete waleele kuri nde ti: "Me nyasuumbiri nseke, na nyelemini kweeyimono, wumpemisene."

¹⁹Wakaka waleele kuri nde ti: "Me nyasuumbiri bakasi bataanu na balumi bataanu ba bangoombo. Me ntiiri kwebatsitsikila, wumpemisene."

²⁰Mukimi waleele ti: "Me nyakweeriri mukasi, nyiri na bwa kwisikila ko."

²¹Kisari bu kabvutuka, wayaabisa mamo kuri mfumu yaandi. Hanaho, ngaa-nzo wabaka nkesi, waleele kuri kisari ti: "Pala mu mawasu, yende mu bibeendu na mu manzila ma bvula, twaala hamaha bawelu, bari na bipfuumi, bafwa miisu, babeele miilu."

²²Kisari waleele: "Mfumu, ma tuminyee ye ma mwaayirima; ngo kwakiri bibeendu."

²³Mfumu waleele kuri kisari ti: "Yende mu manzila na mu mpaangu, kwiikisa baatu mu kukoto mpisi heki nzo me yiba yaluula.

²⁴Mukwongo, me nyiluleele ti: kuri muutu ti mosi ko, mu baatu ba mbeeri nyateele mbila wudya byandya bya me."»

²⁵Mampuumbu malaka maba kweyende kintwaari na Yesu mu nzila. Yesu bu kasyeeteke waleele kuri mo ti:

²⁶«Mbuti muutu wukwiisa kuri me, ngo wahele kubele taayi dyaandi, nguri, mukasi, baala, bampaangi na bibusi na kidziingu kya nde-meene, lo kari mbeele muyiki me ko.

²⁷Wunde wuhele kunata kuruwa dyaandi, na kunama me ha mambisa, lo kari mbeele muyiki me ko.

²⁸Na mu beenu, wuri habaanaa wuri na nzala kutuunga nzo yadzaangama, wahele kutekeseleeti kudzakala mu kutambikisa bya kusuumba, kari wuri na bwa kuyimanana?

²⁹Mu kubata ti ha lumbisa lwa kutuunga lufulu, na wahele kubangisina kuyimana, bobanso batala babaandika kumusiila munsiku,

³⁰na kuleele ti: "Muutu wumawu wabaandikiri kutuunga, ngo wahele kubangisina kuyimana."

³¹Bunu pe, nkya mbyaasi yikweende ku mudziingu, mu kwenwaanisa mbyaasi yikimi, ngo waheleeti kudzakala na kutambikisa, kari mu mafuunda nkuumi ma baatu, lo wakuka, mu kwebwaana mbyaasi yakaka yiri na mafuunda ma kuumi moolo ma baatu yiri mu kwiisa munwaanisa?

³²Mbuti kari bubwo ko, hakakiri la, lo heekiri mumonikisi mu kusaka bwa kusiila kiyeengi.

³³Hango nkuumbu, mpisi wunde mu beenu wuhele kubisa byobinso bi kari na byo, lo kari mbeele muyiki me ko.»

³⁴«Mungwa wa mubwete; ngo mbuti weki wabudzuubulu, lo mu nki bamubvutukila nyeke?

³⁵Lo wahele bweese kuyelemene ti mu butoto, ti mu buumbu; lo kumulooso ku mbasi. Hemese wunde wuri na makutu ma kuyuka, kayuka.»