Read Beembe Fil 1 Bible Online

Fil 1 - Beembe bible

Fil 1

¹Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

²bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo biba na beenu.

³Me nyibvutulaa matoondo kuri Nzaambi yaami, mu mpisi ntaangu yi nyibambukilaa beenu mwooyo.

⁴Mantaangu momanso ma nyisaambilaa me mu beenu-banso, nyisambikilaa mu kiminu,

⁵mu ntoono kintwaari, ki luri mu kusoongaa beenu kuri me mu Musamu Wamubwete, kuholosono kiluumbu kyatete natee mu lumalu.

⁶Me nyiri na nsiitu mu dimadi: wunde wabaandika kisalu kyakibwe mu beenu, sa kamana kyo natee mu kiluumbu kya Yesu Kiristo.

⁷Buri bwa yelemene ti, me nyetsima ma bubwo mu beenu-banso, bukuri me nyalusuusa mu mutima waami. Ti hayuku me nyiri mu boroko, nyiri mu kukalala nyutu, na nyiri mu kusyaamisa Musamu Wamubwete, lo beenu-banso luri kintwaari mu bweese bwa me.

⁸Mukwongo, Nzaambi mbaangi yaami, me nyilutiiri beenu-banso kwalaka mu lusaambu lwa Kiristo Yesu.

⁹Di nyiri mu kwesaambikila me diri ti: ntiilu yeenu yihamisa kubvuriri mu nyaabulu yangwanwa, na mu mbakululu yoyinso,

¹⁰mu kuyaaba kusobokoso miri mufunu. Mu bubwo beenu luba batsyeemeke, na kuhele kuba na mi baluseembele mu kiluumbu kya Kiristo,

¹¹na luba lwaluula mu biyiriki bya nsungumunu bifumunaana mu Yesu Kiristo, mu nkeembu na ndumusu bya Nzaambi.

¹²Bampaangi, me ntiiri ti beenu luyaaba ti: mimyo mitariri me, myadziburi nzila kuri ti Musamu Wamubwete keende ku mankula.

¹³Mu didyo, boroko dya me mu Kiristo, diri dyayabakana kuri bobanso mu nzo yoyinso ya miyalu, na mu bibeendu byakaka byobinso,

¹⁴na balaka mu bampaangi, ba mwaasiila nsiitu mu Mfumu, mu ntoono boroko dya me, na babweese kubaka kibakala mu kuyikisa maampu kwahele boomo.

¹⁵Bamosi bari mu kweyaabisila Kiristo mu bukwa na mu nkalikisi, ngo bakaka mu mutima-bubwete.

¹⁶Babamosi mu ntiilu, bu bayaari kuri ti, mu ntoono ya kukalila Musamu Wamubwete me nyiri mu boroko,

¹⁷ngo bakaka kweyaabisila Kiristo mu nkalikisi, kwahele kuba na mu mutima watsyeemeke; bo batiiri kuhamisa mpasi dza me mu boroko.

¹⁸Mukwongo nki? Kiteesu bwooso kibeele, ti kiba mu kumana mafuumbu, ti kiba mu ngwanwa, lo ngo bukuri Kiristo bari mu kwemuyabikisa, na mu didyo me nyiri na kiminu. Kasi me sa mbweese kuba na kiminu,

¹⁹bukuri me nyaari ti mimyo sa myatwaala mvuukulu kuri me, mu ntoono lusaambulu lwa beenu na lubakusu lwa Mpeeve ya Yesu Kiristo.

²⁰Bunu buri ma nyiri mu kwekiinga, na ma nyiri nyasiila nsiitu, me ka nyiba na nsoni mu ntoono ti mosi ko. Ngo kasi mu nsiitu dzodzinso, bunu mu mpisi ntaangu na mu lumalu, Kiristo sa kaba wakeembese mu nyutu yaami, mu kidziingu kyaami bunu pe mu lufwa lwaami.

²¹Bukuri ku nyiri me, kuba mwooyo ngo Kiristo, na kufwa ngo ndaandu.

²²Ngo mbuti kuba mwooyo mu muswinyi, diri ndaandu mu kisalu ku nyiri me, lo nki me nyisoolo? Nyahele kuyaaba.

²³Me nyiri mu kudunga ha kakati dya manzala mo moolo: me nyiri na nzala kweende, na kuba na Kiristo, bukuri bubwo bubvuriri bubwete;

²⁴ngo kuba mwooyo mu muswinyi, bubvuriri mufunu mu ntoono beenu.

²⁵Didyo ngo diri me mwaabakula, me nyaari ti sa nyaba mwooyo na sa nzakala na beenu-banso, mu ntoono yiri ti beenu lubuuka, na lumono kiminu mu kanyi dyeenu,

²⁶mpisi heki, kimweese kya beenu mu me, kihamisa mu Kiristo Yesu, mu ntoono yiri ti me nyibweese kuba ha kakati dya beenu.

²⁷Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

²⁸kwahele kubata bataatu mu ntoono ti mosi. Kuri bo kikyo ngo kidiimbu kya nzimbukulu, ngo kuri beenu kya mvuukulu, na mimyo mifuminaa kuri Nzaambi.

²⁹Bukuri beenu baluha bweese mu ntoono Kiristo, kari munu mu kusiila kanyi mu nde ko, ngo na mu kumono mpasi se mu ntoono nde,

³⁰mu kwenwaana kikiindu kyokimosi ki luri lwamono mu me, na ki luri mu kweyuka natee lumalu ti me nyiri mu kwenwaana.