Read Beembe Heb 4 Bible Online

Heb 4 - Beembe bible

Heb 4

¹Ngo tuseenee madyeele, lusiilulu lwa kukoto mu mpuumunu yaandi bu lwakiri, muutu mu beenu kahele kumono kuri ti, nde wasaala ku lumperi.

²Bukuri beetuneenu, turi babo bataambula Musamu Wamubwete, bunu buri babamosi; ngo kasi, bo basii bakila ndaandu mu maampu ma bayukiri ko, bukuri bo basii bvuutuna mu kanyi, kintwaari na bambaasi bayukiri mo ko.

³Mukwongo, beetuneenu bangaa-kanyi, turi mu kukoto mu mpuumunu bunu bu kari kaleele ti: «Kunsa nkesi dzaami me nyalabiri ti: Bo ka bakoto mu mpuumunu yaami ko!» Ti bukuri biyiriki, byawa kuyirima kuholosono kunu mbandukulu nsi.

⁴Mukwongo, mu Matinu mwaleele mu ntoono kiluumbu kyansaamu ti: «Na Nzaambi wawuuma mu kiluumbu kyansaamu mu bisalu byaandi byobinso.»

⁵Na ha kibeendu kinikyo, nde bweese kuleele ti: «Bo ka bakoto mu mpuumunu yaami ko.»

⁶Hango bukuri dyaleele kuri ti, babamosi bakoto mu mpuumunu, na babo batekisiri kutaambula Musamu Wamubwete, bakoto ko mu ntoono nko,

⁷nde wabweese kusoolo kiluumbu «lolo di». Mantaangu bu maluta, nde waleele mu mikuunga mya Davidi, bunu bu katekesele kuleele ti: «Lolo di, mbuti luyukiri mbeembu yaandi lo yaa lukubisa mitima myeenu ko.»

⁸Mukwongo, mbuti Yoswa wabakotisiri mu mpuumunu, nkani Nzaambi kaketi kudzoonsolo mu kiluumbu kikimi, ha mambisa haho ko.

⁹Hango, kwakiri kiluumbu kya mpuumunu, mu ntoono baatu ba Nzaambi.

¹⁰Mukwongo, wunde wukotiri mu mpuumunu yaandi, lo wuumini se mu bisalu byaandi, bunu bwa wuumini Nzaambi mu bisalu byaandi.

¹¹Ngo, tubingikileenu mu kukoto mu mpuumunu yiyo, mpisi heki kuhele kuba muutu wubwa bwobumosi mu nko.

¹²Mukwongo, maampu ma Nzaambi mari mwooyo, mari na mpinu, mabvuriri kutwa ti na mpisi saabala dya mabusu moolo, dipaakaa natee haambiri kiluunsi na muheebulu, biyikulu na muluku. Mafyongokinaa, ma kwetsuna muutu, na bitsimi bya mutima.

¹³Kwahele kiyiriki ti kimosi kyahele kumonokono ha busu bwaandi, byobinso biri mpene na byayalulu ha miisu myaandi, kuri nde mbasi-tsuku tuyalimina mabuungu.

¹⁴Hango, bu turi na mukuutu bangaanga-nzaambi wataba mayulu, Yesu, Mwaana Nzaambi, tukwaatee na keketee kimbaangi kya kanyi.

¹⁵Mukwongo, mukuutu bangaanga-nzaambi wu turi na nde, wakuka mu kutubakisa mu buyonsi bweetu. Nde bamukotoso mu nsindukulu mu myominso bunu beetuneenu, ngo kasii bwa mu masumu ko.

¹⁶Hango, tukokosoleenu na nsiitu yoyinso ha teke mboloko ya bweese, mpisi tutaambulee ngebe, na bweese mu kubaka lubakusu mu ntaangu yayelemene.