Read Beembe 2 Yow 1 Bible Online

2 Yow 1 - Beembe bible

2 Yow 1

¹Me Mukulu-bakala, kuri Mukyeetu wasoolu, na kuri baala baandi, ba nyiri nyatya mu ngwanwa. Ngo kari wunu me kitsu nyibatii ko, kasi bobanso se bamwaayaaba ngwanwa,

²mu ntoono ngwanwa yasa kikuundi mu beetu, na sa yaba na beetu mu mantaangu momanso.

³Hemese bweese, ngebe na kiyeengi bifumunaa kuri Taayi Nzaambi, na kuri Yesu Kiristo Mwaana wa Taayi, byeba na beetu, mu ngwanwa na mu ntiilu.

⁴Me nyankeembiri kwalaka, bu nyamwiini ti baala baaku, bakwedyaatila mu ngwanwa, bunu buri lutumu lu turi twataambula kuri Taata.

⁵Na mu lumalu di nyiloombo kuri ye, Mukyeetu, kari bunu ti lutumu lwamoono, me nyiri mu kutinina kuri ye ko, ngo luni lu turi twataambula, kuholosono munu mbandukulu ti, twetilisineenu beetu na beetu.

⁶Ntiilu yiri kuri ti, twedyaatileenu bunu buri ntumu dzaandi. Lutumu lu luri lwataambula kuholosono munu mbandukulu, kuri ti beenu lwedyaatila mu nde.

⁷Bawumuni balaka bamwaatsamukina mu nsi. Bo bahele kwetaambula ti Yesu Kiristo wayisa mu muswiini. Wunde ngo muwumuni, mutaatu-Kiristo.

⁸Seenee madyeele beenu-meene, mpisi heki luhele kudziimbisa bi turi twasala, ngo lutaambula mufutu wakuka.

⁹Mpisi wunde wuluta nyikusulu dza Kiristo, na wahele kusa kikuundi mu dzo, lo wahele na Nzaambi. Ngo wunde wasa kikuundi mu nyikusulu, lo wuri na Taata na Mwaana.

¹⁰Mbuti muutu wiisiri kuri beenu, na wahele kutwaala nyikusulu dzidzo, lo yaa lumutaambula mu nzo yeenu ko, na yaa lumuha mboto ko.

¹¹Mukwongo, mpisi wunde wumuha mboto, lo wuri kintwaari mu biyiriki bya muutu wunde byabibi.

¹²Mbee kwaandi na myalaka mya kulutinina, ngo me nsii tya kusalila kipapila na ntiinta ko, kasi nyiri na nsiitu mu kwiisa kuri beenu, na mu kudzoonsono kuri tutalisina mu miisu na miisu, mpisi heki kiminu kyeetu kiba kyakuka.

¹³Baala ba kibusi kyaaku kyasoolu, bakuheekiri mboto.