Read Besoa Pewaliꞌána 36 Bible Online

Pewaliꞌána 36 - Besoa bible

Pewaliꞌána 36

¹Deꞌemoheꞌ pemuleꞌána Esau, to rauliꞌ woꞌo Edom.

²Esau mampotoina tálu towawine toKánáꞌá, iamoheꞌ Ádá ánáꞌna Eloni toHeti, Oholibama ánáꞌna Ana ueꞌna Sibeo toHewi,

³hai Basama ánáꞌna Sumaila ádina Nebaioꞌ.

⁴Ádá moánáka hadua ánángkóiꞌ tobaleilo to rahangaꞌ Elipa. Basama moánáka hadua ánángkóiꞌ tobaleilo to rahangaꞌ Rehueli.

⁵Oholibama moánáka tálu tobaleilo, iamoheꞌ: Ieusi, Iaelami hai Kora. Upu-upu ánáꞌraꞌ iti rapoánákaheꞌ i tampoꞌ Kánáꞌá.

⁶Esau hai Iako mewaliꞌheꞌ tauna to pebuku. Handaꞌ párewáraꞌ, hai tetámbái woꞌo kahandaꞌna binataꞌraꞌ, duuꞌna tampoꞌ to rakatoroꞌi iti tiꞌara piꞌi gáná rapandeꞌi binataꞌraꞌ. Mewaliꞌ Esau megááki hangko i Iako, lao i tampoꞌ ntániꞌna. Naꞌánti upu-upu toinána, ánáꞌna, upu-upu tauna to toroꞌ i támbina, upu-upu binataꞌna hai párewána to nalámbiꞌ i tampoꞌ Kánáꞌá.

⁸Mewaliꞌ Esau to rauliꞌ woꞌo Edom, toroꞌ i buluꞌ-buluꞌna i tampoꞌ Sei.

⁹Deꞌemoheꞌ pemuleꞌána Esau to mewaliꞌ toioruraꞌ toEdom to toroꞌheꞌ i buluꞌ-buluꞌna i tampoꞌ Sei.

¹⁰Toinána Esau to rahangaꞌ Ádá moánáka hadua ánángkóiꞌ tobaleilo to rahangaꞌ Elipa. Elipa momuleáka lima tobaleilo, iamoheꞌ: Tema, Omari, Sepo, Gaetama hai Kenasi. Ara woꞌo hadua towawine to nakarodua Elipa, hangaꞌna Timina. Ia moánáka hadua ánángkóiꞌ tobaleilo to rahangaꞌ Amaleꞌ. Toinána Esau to rahangaꞌ Basama moánáka hadua ánángkóiꞌ tobaleilo to rahangaꞌ Rehueli. Hai Rehueli momuleáka iba ánángkóiꞌ tobaleilo, iamoheꞌ: Nahaꞌ, Sera, Sama hai Misa.

¹⁴Toinána Esau to rahangaꞌ Oholibama, ia miꞌi ánáꞌna Ana hai ueꞌna Sibeo. Oholibama moánáka tálu ánángkóiꞌ tobaleilo, iamoheꞌ: Ieusi, Iaelami hai Kora.

¹⁵Deꞌemoheꞌ pemuleꞌána Esau to mewaliꞌ tadulakoraꞌ hantina-hantina: Elipa ánáꞌna Esau to towutuꞌ, momuleáka bahangapa tadulako hantina-hantina, iamoheꞌ: Tema, Omari, Sepo, Kenasi,

¹⁶Kora, Gaetama hai Amaleꞌ. Upu-upuheꞌ to mewaliꞌ tadulako i tampoꞌ Edom deꞌe ia miꞌi pemuleꞌánaheꞌ Ádá toinána Esau.

¹⁷Rehueli ánáꞌna Esau momuleáka bahangapa tadulako hantina-hantina, iamoheꞌ: Nahaꞌ, Sera, Sama hai Misa. Upu-upuheꞌ to mewaliꞌ tadulako iti ia miꞌi pemuleꞌána Basama toinána Esau.

¹⁸Oholibama toinána Esau, ánáꞌna Ana, momuleáka bahangapa tadulako hantina-hantina, ia miꞌi: Ieusi, Iaelami hai Kora.

¹⁹Upu-upuheꞌ to mewaliꞌ tadulako iti ia miꞌi pemuleꞌána Esau to rauliꞌ woꞌo Edom.

²⁰Sei ia miꞌi hadua toHori to toroꞌ i tampoꞌ Edom hangkoia. Deꞌemoheꞌ pemuleꞌána to mewaliꞌ tadulakoraꞌ hantina-hantina: Lotana, Sobala, Sibeo, Ana, Diso, Esere hai Disiana.

²²Lotana momuleáka Hori hai Hema. Lotana ara halaluna towawine to rahangaꞌ Timina.

²³Sobala momuleáka Alawana, Manahaꞌ, Ebala, Sepo hai Ona.

²⁴Sibeo momuleáka Aia hai Ana. Ana iti miꞌi to mohumba pentumbuꞌána uwai to maꞌámuꞌ i pádá loriꞌ i poewuána kalidena umána.

²⁵Ana momuleáka Diso hai hadua towawine to rahangaꞌ Oholibama.

²⁶Diso momuleáka Hemada, Eseba, Itara hai Kera.

²⁷Esere momuleáka Bilana, Saꞌawana hai Akani.

²⁸Disiana momuleáka Us hai Aran.

²⁹Deꞌemoheꞌ tadulakoraꞌ hantina-hantina toHori to toroꞌheꞌ i tampoꞌ Sei: Lotana, Sobala, Sibeo, Ana, Diso, Esere hai Disiana.

³¹Hangko tiꞌara maniheꞌ ara datu to mopárentá toSáráeliꞌ, datu deꞌemoheꞌ to mombeháwá-háwá mepárentá i tampoꞌ Edom.

³²Rungu-runguna Bela ánáꞌna Beo mepárentá. Pehodaꞌána popárentána i kótá Dinaba.

³³I kamatena Bela, napaháwángi Ioba ánáꞌna Sera, to hangko i kótá Bosara.

³⁴I kamatena Ioba, napaháwángi Husiama hangko i tampoꞌraꞌ toTema.

³⁵I kamatena Husiama, napaháwángi Hadaꞌ ánáꞌna Bedaꞌ. Pehodaꞌána popárentána i kótá Awiti. Ia miꞌi to monangi toMidia i tampoꞌ Moabiꞌ.

³⁶I kamatena Hadaꞌ, napaháwángi Samala hangko i kótá Maseka.

³⁷I kamatena Samala, napaháwángi Saulu hangko i kótá Rehoboꞌ i wiwi uwai Epara.

³⁸I kamatena Saulu, napaháwángi Baꞌal-Hana ánáꞌna Akabo.

³⁹I kamatena Baꞌal-Hana, napaháwángi Hádá. Pehodaꞌána popárentána i kótá Pahu. Toinána rahangaꞌ Mehetabele ánáꞌna Matereꞌ ueꞌna Mesaha.

⁴⁰Esau ia miꞌi toioruraꞌ toEdom. Deꞌemoheꞌ pemuleꞌána to mewaliꞌheꞌ tadulakoraꞌ hantina-hantina: Timina, Aliwa, Ieteꞌ, Oholibama, Ela, Pino, Kenasi, Tema, Mibasaꞌ, Magadiele hai Irama. Tampoꞌ to rakatoroꞌi hantina-hantina rahangaꞌ mouláꞌ hangaꞌ tadulakoraꞌ.