Read Besoa Pewaliꞌána 5 Bible Online

Pewaliꞌána 5 - Besoa bible

Pewaliꞌána 5

¹Deꞌe miꞌi daritakáná pemuleꞌánaheꞌ Adama. I tempóna Pueꞌ Ala mampopewaliꞌ tauna, Nabábehiheꞌ mouláꞌ pambiáráNa haduduáNa.[18]

²Napopewaliꞌheꞌ tobaleilo hai towawine, Nawátiꞌheꞌ hai Nahangaꞌheꞌ “Tauna”.

³Magáná miꞌi tinuwuꞌna Adama hangatu tálu puloꞌna parena, moánáꞌ wopaheꞌ hadua tobaleilo to menduru mouláꞌ pambiárána haduduána,[19] hai nahangaꞌ Setiꞌ.

⁴Roo onoꞌ, Adama tueꞌ mani uwalu átuna parena, hai moánáꞌ maniheꞌ bahangapa ánáꞌraꞌ tobaleilo hai towawine.

⁵Tinuwuꞌna Adama hahioꞌ átuna tálu puloꞌna parena, hangko mate riꞌi.

⁶Magáná miꞌi tinuwuꞌna Setiꞌ hangatu lima parena, moánáꞌmoheꞌ hadua tobaleilo to rahangaꞌ Enoꞌ.

⁷Roo onoꞌ, Setiꞌ tueꞌ mani uwalu átuna hai pitu parena, hai moánáꞌ maniheꞌ bahangapa ánáꞌraꞌ tobaleilo hai towawine.

⁸Tinuwuꞌna Setiꞌ hahioꞌ átuna hampuloꞌ hai rompare, hangko mate riꞌi.

⁹Magáná miꞌi tinuwuꞌna Enoꞌ hahioꞌ puloꞌna parena, moánáꞌmoheꞌ hadua tobaleilo to rahangaꞌ Kena.

¹⁰Roo onoꞌ, Enoꞌ tueꞌ mani uwalu átuna hampuloꞌ hai lima parena, hai moánáꞌ maniheꞌ bahangapa ánáꞌraꞌ tobaleilo hai towawine.

¹¹Tinuwuꞌna Enoꞌ hahioꞌ átuna hai lima parena, hangko mate riꞌi.

¹²Magáná miꞌi tinuwuꞌna Kena pitu puloꞌna parena, moánáꞌmoheꞌ hadua tobaleilo to rahangaꞌ Mahalaleꞌ.

¹³Roo onoꞌ, Kena tueꞌ mani uwalu átuna iba puloꞌna parena, hai moánáꞌ maniheꞌ bahangapa ánáꞌraꞌ tobaleilo hai towawine.

¹⁴Tinuwuꞌna Kena hahioꞌ átuna hai hampuloꞌ parena, hangko mate riꞌi.

¹⁵Magáná miꞌi tinuwuꞌna Mahalaleꞌ ini puloꞌna hai lima parena, moánáꞌmoheꞌ hadua tobaleilo to rahangaꞌ Iare.

¹⁶Roo onoꞌ, Mahalaleꞌ tueꞌ mani uwalu átuna tálu puloꞌna parena, hai moánáꞌ maniheꞌ bahangapa ánáꞌraꞌ tobaleilo hai towawine.

¹⁷Tinuwuꞌna Mahalaleꞌ uwalu átuna hahioꞌ puloꞌna hai lima parena, hangko mate riꞌi.

¹⁸Magáná miꞌi tinuwuꞌna Iare hangatu ini puloꞌna hai rompare, moánáꞌmoheꞌ hadua tobaleilo to rahangaꞌ Henoꞌ.

¹⁹Roo onoꞌ, Iare tueꞌ mani uwalu átuna parena, hai moánáꞌ maniheꞌ bahangapa ánáꞌraꞌ tobaleilo hai towawine.

²⁰Tinuwuꞌna Iare hahioꞌ átuna ini puloꞌna hai rompare, hangko mate riꞌi.

²¹Magáná miꞌi tinuwuꞌna Henoꞌ ini puloꞌna hai lima parena, moánáꞌmoheꞌ hadua tobaleilo to rahangaꞌ Metusala.

²²Roo onoꞌ, ia tueꞌ mani tálu átuna parena. I tempó iti, maroꞌa ntepuꞌu pohintuwuꞌna hai Pueꞌ Ala, hai moánáꞌ maniheꞌ bahangapa ánáꞌraꞌ tobaleilo hai towawine.

²³Henoꞌ iti tueꞌ i duniáꞌ duuꞌna tinuwuꞌna tálu átuna ini puloꞌna hai lima parena.

²⁴Maroꞌa ntepuꞌu pohintuwuꞌna hai Pueꞌ Ala, hai kahópóꞌána naoreꞌ Pueꞌ Ala;[20] tiꞌara piꞌi raita i duniáꞌ.

²⁵Magáná miꞌi tinuwuꞌna Metusala hangatu uwalu puloꞌna hai pitu parena, moánáꞌmoheꞌ hadua tobaleilo to rahangaꞌ Lame.[21]

²⁶Roo onoꞌ, Metusala tueꞌ mani pitu átuna uwalu puloꞌna hai rompare, hai moánáꞌ maniheꞌ bahangapa ánáꞌraꞌ tobaleilo hai towawine.

²⁷Tinuwuꞌna Metusala hahioꞌ átuna ini puloꞌna hai hahioꞌ parena, hangko mate riꞌi.

²⁸Magáná miꞌi tinuwuꞌna Lame hangatu uwalu puloꞌna hai rompare, moánáꞌmoheꞌ hadua tobaleilo

²⁹to rahangaꞌ Noho, lempóna “mopalindó”, láwiꞌ nauliꞌ Lame, “Ánángkóiꞌ deꞌe ina mopalindókeꞌ i pobágóꞌtaꞌ to matimi. Maꞌángkárá tahádi, láwiꞌ tampoꞌ to tapobágóꞌ deꞌe, nahuku miꞌi PUEꞌ.”

³⁰Roo onoꞌ, Lame tueꞌ mani lima átuna hahioꞌ puloꞌna hai lima parena, hai moánáꞌ maniheꞌ bahangapa ánáꞌraꞌ tobaleilo hai towawine.

³¹Tinuwuꞌna Lame pitu átuna pitu puloꞌna hai pitu parena, hangko mate riꞌi.

³²Magáná miꞌi tinuwuꞌna Noho lima átuna parena, moánáꞌmoheꞌ tálu tobaleilo, iamoheꞌ Semuꞌ, Hama hai Apeꞌ.