Read Besoa Iunu 2 Bible Online

Iunu 2 - Besoa bible

Iunu 2

¹Hangko i lalu taꞌi bauꞌ Iunu mekakae i PUEꞌ Alana, nauliꞌ:

²“Ó PUEꞌ, i lalu kamapáringkuꞌ mekakaeaꞌ i Hio, hai Nuhánikiaꞌ. Hangko i duniáꞌ tomate, membiáꞌaꞌ tulungi. Pembiáꞌkuꞌ Nupehádingi hai Nupailalu.

³Nutibemoꞌ i tahiꞌ to kaladu, haweꞌ i pohiꞌna tahiꞌ. Ionoꞌ uwai motolelingiaꞌ, hai bálumbá to mahile to Nuhuoꞌ, mowasóengaꞌaꞌ.

⁴Kuꞌuliꞌ i lalungkuꞌ: ‘Nawuramoꞌ PUEꞌ hangko i lindoꞌNa. Tiꞌara piꞌi ina kuita támbiNa to magasaꞌ.’

⁵Uwai tahiꞌ mempusaꞌ i ngángángkuꞌ. Uwai tahiꞌ motolelingi wátángkuꞌ. Lómóꞌ tahiꞌ mowewehi wuáꞌkuꞌ.

⁶Tiriaꞌ haweꞌ i lokeꞌna buluꞌ to i lalu tahiꞌ, i kaꞌaraꞌá to teparauꞌ babaꞌna haweꞌ i kahópóꞌána duniáꞌ. Hungkuaꞌ ina mate. KubuhinaoKoꞌ hai mekakaeaꞌ i Hio. Haweꞌ mpuꞌu miꞌi pekakaengkuꞌ i Hio. Hangko i támbiMu to magasaꞌ, Nupehádingiaꞌ, haneꞌi Nuángkáꞌaꞌ hangko i lalu tahiꞌ, Ó PUEꞌ Alangkuꞌ.

⁸Tauna to menómbáheꞌ i ánitu to mbero-mbero, mopálehimoKoꞌ hai tiꞌarapoheꞌ tetidaꞌ.

⁹Agáiáná kódóꞌ ina monanikaꞌaꞌ nani petóiá i lindoꞌMu, hai ina mampopenómbáꞌaꞌ popenómbá i Hio. Upu-upu dándingkuꞌ ina kubukeki, láwiꞌ Io miꞌi PUEꞌkuꞌ to mampelaeaꞌ.”

¹⁰Hangko ionoꞌ, ánti popakanótóna PUEꞌ, bauꞌ mobólá Iunu i kámárá.