Read Besoa Galatia 4 Bible Online

Galatia 4 - Besoa bible

Galatia 4

¹Mewaliꞌ, halalu-halalu: ane rápáꞌna ara hadua to ánángkóiꞌ mani, to mewaliꞌ miꞌi pueꞌ sosora, ia peisá rapándiriꞌ nodo hadua hawiꞌ, kehapiꞌ upu-upu párewána umána katoꞌuána ia miꞌi to mampopueꞌ.

²Ia nodo hadua hawiꞌ láwiꞌ tauna ntániꞌna riꞌi to mokádipurá ánángkóiꞌ iti hai mokádipurá woꞌo sosorana duuꞌna haweꞌ tempóna to napakanótó umána.

³Noꞌonoꞌ woꞌo kitaꞌ: hangko tiꞌara manikeꞌ moisá Pueꞌ Ala, nodokeꞌ ánángkóiꞌ iti, láwiꞌ mengkoruꞌkeꞌ i kuasaꞌ-kuasaꞌ to i duniáꞌ deꞌe.[27]

⁴Agáiáná i tempó to napakanótó miꞌi Pueꞌ Ala, Ia mohuoꞌ miꞌi ÁnáꞌNa mai i duniáꞌ. ÁnáꞌNa iti napoánáka hadua towawine, hai Ia mengkoruꞌ i Paturoꞌna Musa.

⁵Pueꞌ Ala mohuoꞌ ÁnáꞌNa mai i duniáꞌ mokábáhákeꞌ hangko i áturá-áturá toIahudiꞌ bona peisákeꞌ mewaliꞌ ánáꞌNa.

⁶Mewaliꞌ, ánti kanapoánáꞌtaꞌ Pueꞌ Ala, Ia mohuoꞌ miꞌi Inaona ÁnáꞌNa toroꞌ i laluntaꞌ. Ánti pokalena InaoNa iti i laluntaꞌ, onoꞌ miꞌi haneꞌi peisá takióꞌ Pueꞌ Ala, “Umaꞌ! Umángkiꞌ!”

⁷Mewaliꞌ, tiꞌarapokou mampeuláꞌi Paturoꞌna Musa bona mewaliꞌkou manótó i peitána Pueꞌ Ala, láwiꞌ napoánáꞌmokou Pueꞌ Ala! Hai ane Napoánáꞌmokou, bateꞌna ina Naweꞌikou upu-upu pewátiꞌ to Napatimama miꞌi i ánáꞌNa.[28]

⁸Hangkoia, hangko tiꞌara manikou moisá Pueꞌ Ala, mengkoruꞌkou i ánitu, agáiáná karaoꞌ ntepuꞌu posisalaꞌána kuasaꞌraꞌ hai kuasaꞌna Pueꞌ Ala.

⁹Deꞌe-deꞌe niꞌisá miꞌi Pueꞌ Ala. Agáiáná katoꞌuána, Pueꞌ Ala riꞌi to ioru moisákou! Mewaliꞌ, moapa riꞌi haneꞌi nipoinao mouláꞌ huleꞌ kuasaꞌ-kuasaꞌ to i duniáꞌ deꞌe[29] to tiꞌara maróhó kuasaꞌraꞌ hai to tiꞌara mobunduꞌ. Moapa riꞌi haneꞌi maukou huleꞌ rapopakilingiá hai kuasaꞌ-kuasaꞌ iti?

¹⁰Nipomahile alo-alo to tepakanótó, wulá-wulá, hai pare-pare to tepakanótó. Moapa riꞌi haneꞌi nipoinao huleꞌ mampeuláꞌi ádá iti?

¹¹To kupokalááꞌ, Ngkóráꞌ Marasa to kupahaweꞌ miꞌi i kómu, tiꞌara ina mobunduꞌ.

¹²Halalungkuꞌ toGalatia! Kupembiáꞌ bona nipeuláꞌi ntepuꞌu bábehiángkuꞌ, láwiꞌ kehapiꞌaꞌ toIahudiꞌ, kukábáhá miꞌi pampeuláꞌingkuꞌ ádáraꞌ toIahudiꞌ bona mewaliꞌaꞌ nodo kómu to tiꞌarakou toIahudiꞌ. Iaꞌo, maroꞌa ntepuꞌu bábehiámi i kódóꞌ.

¹³Niꞌisá miꞌi, iaꞌo hangaa-ngaa mehupeꞌaꞌ i kótámi láwiꞌ tiꞌara kulalu, onoꞌ haneꞌi ara tempóngkuꞌ mopahaweꞌ Ngkóráꞌ Marasa i kómu.

¹⁴Kehapiꞌ ara álásámi mopakóiꞌaꞌ ánti pohakiꞌkuꞌ iti, agáiáná tiꞌaraꞌaꞌ nisápuáka ba nipokatidiꞌ. Nitarimaꞌaꞌ maroꞌa nodoaꞌ hadua malaꞌeka to hangko i Pueꞌ Ala, hai nitarimaꞌaꞌ woꞌo nodoaꞌ Iesu Kerisitu.

¹⁵Góeꞌ ntepuꞌu lalumi i tempó iti. Agáiáná deꞌe-deꞌe, moapa riꞌi haneꞌi tebáliki lalumi i kódóꞌ? Kuisá ntepuꞌu halalu-halalu, iaꞌo ane ara ba apa peá to kuparaluu, tiꞌaraꞌaꞌ nipokabohiꞌá. Mogalo riꞌi mátámi haduduámi, ane kepeisái nidungkiki hai niweꞌiaꞌ, tiꞌara nipokabohiꞌ.

¹⁶Mewaliꞌ deꞌe-deꞌe, moapa riꞌi haneꞌi nirekeꞌaꞌ nodo ewálimi? Babilana kupahaweꞌámokou apa to toꞌu?

¹⁷Araheꞌ tauna to haweꞌ to mampoinaoheꞌ moala lalumi, agáiáná tunggáiáraꞌ tiꞌara maroꞌa láwiꞌ mampoinaoheꞌ mogáákikou hangko i kódóꞌ, bona meuláꞌ ntepuꞌukou i hira.

¹⁸Tiꞌarakou kusalaꞌi ane maróhó ntepuꞌukou i poágámámi, asalaꞌ maroꞌa tunggáiámi. Hai tunggáiámi hangaa-ngaa maroꞌa oaꞌ, tiꞌara peá i tempóngkuꞌ ara i oloꞌmi.

¹⁹Halalu-halalu, kurekeꞌ ntepuꞌumokou ánáꞌkuꞌ. Agáiáná hangkani mani mapári lalungkuꞌ mampepekirikou. Kamapárina lalungkuꞌ deꞌe nodo kamapárina hadua towawine to humádi, hai ina mapári oaꞌ lalungkuꞌ duuꞌna pambiárámi hibali hai pambiárána Kerisitu.[30]

²⁰To kupoinao ntepuꞌu, bona kódóꞌ ara hingkakani hai kómu deꞌe-deꞌe, bona laluitangkuꞌ to mahárá deꞌe peisá kubáliki. Wulimoꞌ apa to hangaa-ngaa kubábehi.

²¹Halalungkuꞌ, kómu to mampoinao mampeuláꞌi áturá-áturá agama, nipehádingi! Ina kupakanótóákou apa to teukiꞌ i lalu Sura Paturoꞌna Musa.

²²Ionoꞌ teukiꞌ, ara rodua ánáꞌna Burahima. Ánáꞌna hadua napoánáka Hagari to hawiꞌ tueꞌna, hai ánáꞌna hadua napoánáka Sáráꞌ toinána ntepuꞌu Burahima to tiꞌara hawiꞌ.

²³Ánángkóiꞌ to napoánáka hawiꞌ iti, rapoánáka mouláꞌ peá peundeꞌána tauna. Agáiáná ánángkóiꞌ to napoánáka towawine to tiꞌara hawiꞌ, rapoánáka láwiꞌ ara dándina Pueꞌ Ala i Burahima.[31]

²⁴Tuntukáná iti peisá mewaliꞌ pándiriꞌ i kitaꞌ. Towawine to roduaheꞌ iti, lempóna rompákáꞌ dándi to naweꞌi miꞌi Pueꞌ Ala i tauna: dándi to hampákáꞌ mokana i áturá-áturá to natarima Musa i Buluꞌ Sinai.[32] Upu-upu tauna to mampeuláꞌi áturá-áturá toIahudiꞌ, katueꞌraꞌ nodoheꞌ katueꞌ hawiꞌ, láwiꞌ mengkoruꞌheꞌ i áturá-áturá iti.

²⁵Mewaliꞌ, Hagari to hawiꞌ tueꞌna rapándiriꞌ nodo Buluꞌ Sinai i tampoꞌ Áráꞌ. Hai Hagari iti peisá woꞌo rapándiriꞌ nodo kótá Ierusale to i duniáꞌ deꞌe. ToIerusale tueꞌheꞌ nodo hawiꞌ, láwiꞌ mengkoruꞌheꞌ i áturá-áturá toIahudiꞌ.

²⁶Agáiáná Sáráꞌ toinána Burahima to tiꞌara hawiꞌ, ia nodo kótá Ierusale to i surugáꞌ. Sáráꞌ iti miꞌi to tapoina, láwiꞌ tekábáhámokeꞌ, tiꞌarapokeꞌ napohawiꞌ áturá-áturá toIahudiꞌ.[33]

²⁷{Rungu-runguna Sáráꞌ lalo, agáiáná kahópóꞌána ia moánáꞌ hadua ánángkóiꞌ mouláꞌ dándina Pueꞌ Ala i Burahima.} Teukiꞌ i lalu Sura Magasaꞌ node: “Góeꞌkoꞌ towawine to lalo, to tiꞌara haweꞌ hangkani moánáꞌ! Góeꞌkoꞌ hai matawakoꞌ, to tiꞌara haweꞌ hangkani humádi! Láwiꞌ kehapiꞌkoꞌ nodo towawine to napálehi toámána, ina melumbuꞌ kahandaꞌraꞌ pemuleꞌámu haneꞌi towawine to tueꞌ mani hingkakani hai toámána.” [34] Kómu miꞌi halalu-halalu to mewaliꞌ woꞌo ánáꞌna Pueꞌ Ala mouláꞌ dándiNa. Kómu peisákou rapándiriꞌ nodo Isakiꞌ, ánáꞌna Burahima to rapoánáka mouláꞌ dándina Pueꞌ Ala.

²⁹I tempó iti, ánáꞌna Burahima to rapoánáka mouláꞌ peundeꞌána tauna mampopeahiahiꞌ ádina to rapoánáka mouláꞌ peundeꞌána Inao to Magasaꞌ. Noꞌonoꞌ woꞌo to mewaliꞌ i tempó deꞌe: {kómu to mampeuláꞌi peundeꞌána Inao to Magasaꞌ, rapopeahiahiꞌkou tauna to mampoinao mopári-párikou mampeuláꞌi áturá-áturá agama.}

³⁰Agáiáná apa to teukiꞌ i lalu Sura Magasaꞌ? Ara teukiꞌ node: “Nuwura miꞌi towawine to hawiꞌ tueꞌna hingkakani hai ánáꞌna, láwiꞌ ánáꞌna hawiꞌ iti tiꞌara peisá molámbiꞌ sosora hangko i umána. Sosora iti hangaa-ngaa raweꞌi peá ánángkóiꞌ to napoánáka towawine to tiꞌara hawiꞌ.”[35]

³¹Mewaliꞌ kitaꞌ deꞌe halalu-halalu, tiꞌarakeꞌ nodo ánáꞌna Hagari to hawiꞌ tueꞌna.[36] Agáiáná kitaꞌ deꞌe nodokeꞌ ánáꞌna Sáráꞌ to tiꞌara hawiꞌ.