Read Besoa 2 Iohane 1 Bible Online

2 Iohane 1 - Besoa bible

2 Iohane 1

¹Molámbiꞌ toSarani i kaꞌaraꞌámi Sura deꞌe to hangko i kódóꞌ, Tosaeraꞌ toSarani, kupakatu i hio, tosae towawine to napileꞌikoꞌ Pueꞌ Ala, hai i upu-upuheꞌ ánáꞌmu to kupokaꞌahiꞌ ntepuꞌu. Tiꞌara kódóꞌ peá to mampokaꞌahiꞌkou, agáiáná upu-upuheꞌ woꞌo tauna to moisá paturoꞌ to toꞌu mampokaꞌahiꞌkou.

²Kipokaꞌahiꞌkou láwiꞌ kitaꞌ hibali kamampoináláintaꞌ paturoꞌ to toꞌu, hai paturoꞌ to toꞌu iti tapailalu duuꞌna i rue-ruena.

³Kupembiáꞌ bona Pueꞌ Ala Umántaꞌ, hai Iesu Kerisitu ÁnáꞌNa mowátiꞌkeꞌ, mopatongawaꞌákeꞌ kabulána laluNa, hai mampoweꞌikeꞌ roꞌa ngkatueꞌ i kitaꞌ upu-upu to mepoinálái i paturoꞌ to toꞌu hai to mombepokaꞌahiꞌ.

⁴Góeꞌ ntepuꞌuaꞌ láwiꞌ kupohidupaꞌámoheꞌ bahangapa ánáꞌmu ieneꞌ, hai bábehiáraꞌ hiolaꞌ hai paturoꞌ to toꞌu, nodo to nahawaꞌámokeꞌ Pueꞌ Ala Umántaꞌ.

⁵Mewaliꞌ, kupembiáꞌ i hio Inaꞌ, bona mombepokaꞌahiꞌkeꞌ hadua hai hadua. To kuꞌukiꞌ deꞌe tiꞌara hawaꞌ to woꞌu, agáiáná hawaꞌ deꞌe ia miꞌi hawaꞌ to tahádi miꞌi hangko i rungu-runguna.[1]

⁶Deꞌe miꞌi to rauliꞌ ahiꞌ: hangaa-ngaa mampeuláꞌikeꞌ hawaꞌna Pueꞌ Ala. Hai hawaꞌNa deꞌe nihádi miꞌi hangko i rungu-runguna, ia miꞌi: hangaa-ngaa mombepokaꞌahiꞌkou.

⁷I humalele duniáꞌ, handaꞌ topeákálángi to moánti paturoꞌ to mepakanawoꞌ. Tiꞌaraheꞌ mampoinálái kaꞌIesuna Datu Topehómpóꞌ to mewaliꞌ tauna. Tauna to noꞌonoꞌ, topodongkoꞌheꞌ hai ewálinaheꞌ Kerisitu.[2]

⁸Onoꞌ miꞌi haneꞌi hangaa-ngaa maingáꞌ-ingáꞌkou, láwiꞌ ane nikábáhá pepoináláimi i Pueꞌ Iesu, tiꞌara ara bunduꞌna pobágóꞌkiꞌ moánti Ngkóráꞌ Marasa i kómu. Hangaa-ngaa mepoináláikou oaꞌ i Pueꞌ, bona i alo pobutusi ina nilámbiꞌ upu-upu háwángina pepoináláimi.

⁹Upu-upu tauna to megááki hangko i paturoꞌ to toꞌu hai tiꞌaraheꞌ oaꞌ mampeuláꞌi paturoꞌna Kerisitu, tauna iti tiꞌaraheꞌ mohintuwuꞌ hai Pueꞌ Ala. Agáiáná tauna to mampeuláꞌi oaꞌ paturoꞌna Kerisitu, hira miꞌi to mohintuwuꞌ hai Pueꞌ Ala Umántaꞌ, hai mohintuwuꞌheꞌ woꞌo hai Iesu ÁnáꞌNa.

¹⁰Mewaliꞌ, ane ara guru-guru agama to haweꞌ moánti paturoꞌ to mosisalaꞌ hai paturoꞌ deꞌe, ineeꞌheꞌ nitarima i támbimi. Mogaloraheꞌ nitabe, ineeꞌ.

¹¹Láwiꞌ heáná peá to motabeheꞌ, hibali peá hai motulungiheꞌ woꞌo i lalu pobágóꞌraꞌ to kadake iti.

¹²Handaꞌ mani to kupoinao kupahaweꞌákou, agáiáná tiꞌara kuꞌundeꞌ moukiꞌ upu-upuna i sura, láwiꞌ kupoinao ina laoaꞌ moweoꞌkou, bona peisákeꞌ mohidupaꞌ hai molalaluita, hai ina rumihi kagóeꞌtaꞌ.

¹³Tabeá hangko i upu-upu ánáꞌna halalumu towawine to napileꞌi Pueꞌ Ala. Hangko i kódóꞌ, IOHANE