Read Biatah Bidayuh TIBIRIK 6 Bible Online

TIBIRIK 6 - Biatah Bidayuh bible

TIBIRIK 6

¹Kan manusia dŭ dŭ papah di ndi ong ong, ka anak anak dayung dog biranak,

²kada so malaikat[21] kiris dayung dayung anŭ ramus, ka tambit ndu sawŭn sinadan adi raan ngara.

³TUHAN nang, “Aku dŭh re bada manusia udip adu adu; ngara inŭh manusia ka taŭn re kabŭs. So madin umbur ngara dŭh re rabis so 120 sawa.”

⁴ Di jaman anŭ, ka ripas anŭ gŭh, agi grigasi di ong adi sesang dayung dayung manusia ngga bara malaikat. Ngara anŭ pimagan ka timagah di jaman jah.

⁵Kan TUHAN kiris munki masam ginaka-i manusia di ong ka munki masam pikir-kira ngara mbŭh adu adu arap,

⁶Ayŭh jadi susah kira adŭp-I mbŭh napa ngara ka na ngara di ong. Ayŭh mbŭh raru nyesar

⁷ka-I nang, “Aku re pirarap bara daya adi ko Ku napa, samŭn sigara dāng ngga manuk, amai nyesar nyam Ku ko napa ngara.”

⁸ Pak TUHAN munos asŭng di Noah.

⁹ Ati inŭh dundan Noah. Ayŭh biyŭn taruh madis anak dari, Shem, Ham ngga Japheth. Noah nundok di Tapa ka taŭn ayŭh sadi adŭ daya adi kana di jaman adŭp-i. Ayŭh udip nanyam ka pinyiraan Tapa,

¹¹pak barang naan daya adi bŭkŭn mbŭh sadi arap di batŭh Tapa, ka pinyiganas mbŭh agi di barang yŭn-i.

¹²Tapa tingga ong ka kiris-i arap, amai pimudip sopŭrŭg manusia mbŭh sadi arap.

¹³Tapa nang di Noah, “Aku mbŭh natu adŭp Ku re pirarap sopŭrŭg manusia. Aku re kubo pirusak ngara, sabab ong ati mbŭh puno ngga pinyiganas ngara.

¹⁴Kuu ndai ndi batra so betang betang kayuh adi kana; ndai birit birit di darŭm-i ka madad-i ngga tar di darŭm ngga di sapa.

¹⁵Ndai-i da 133 mita ambu, 22 mita buka-i, ka 13 mita bigatung.

¹⁶Ndai tanja[22] di batra anŭ ka kidŭm 44 sentimita di asah tanja ngga sindung. Ndai batra anŭ bada bitakah taruh ka ndai ndi tiban di sindung-i.

¹⁷Aku re pait uba ka ong da pirusak barang masam kayuh adi udip. Barang masam kayuh di ong re abo kabŭs,

¹⁸pak Aku re ndai simanya Ku ngga kuu. Mŭrŭt ka darŭm batra ngga sawŭn mu, anak anak dari mu, samŭn sawŭn sawŭn ngara.

¹⁹Taban mŭrŭt ka darŭm batra ndi dari ndi dayung so barang masam dāng ka barang masam manuk, isa-i ngara dŭh rarap.

²¹Taban barang masam pinguman yŭn adŭp mu ka yŭn ngara.”

²² Noah ndai sopŭrŭg anŭ nanyam pinyibada Tapa.