Read Biatah Bidayuh 1 RAJA 5 Bible Online

1 RAJA 5 - Biatah Bidayuh bible

1 RAJA 5

¹Raja Hiram so Tyre taŭn-i mbŭh jerā David, ka kan ayŭh dingah Solomon mbŭh gati sama-i David jadi raja ayŭh pait bara pingarun ka yŭn-i.

²Solomon pait pinganang ati ka Hiram:

³“Kuu puan nang sabab sama ku David dŭh siŭn dŭh matak di biperang rawan bara pinganyu so rais rais adi kirurung ayŭh, ayŭh mbŭh dŭh adŭ tungang pijog Ramin yŭn nyambah TUHAN adi Tapa-i ndŭg ka TUHAN mbŭh nggen di ayŭh pimanang ngarah sopŭrŭg pinganyu-i.

⁴Pak madin TUHAN adi Tapa ku mbŭh nggen udip bamai yŭn ku di sopŭrŭg parad baat tana ku. Aku dŭh biyŭn pinganyu ka mating tia serang so barang yŭn.

⁵ TUHAN bijanji ngga sama ku David, ‘Anak mu, adi Aku re bada jadi raja ripas kuu, re pijog Ramin yŭn Ku.’ Ka aku madin mbŭh natu adŭp ku re pijog Ramin yŭn nyambah TUHAN adi Tapa ku.

⁶Aku mite kuu pait daya ka Lebanon bada tabŭng tŭngŭn tŭngŭn kayuh sedar yŭn ku. Bara daya ku re sua nyiraja ngga ngara, ka aku re bayar gaji ngara sikiang kuu miratak. Amai kuu mbŭh puan, daya ku dŭh pandai bitabŭng mun daya mu.”

⁷Hiram mbŭh raru munos asŭng-i kan ayŭh trima pinganang so Solomon, ka ayŭh nang, “Puji ka TUHAN andu ati amai mbŭh nggen di David anak adi bijak bada gati ayŭh jadi raja yŭn bangsa adi bās anŭ!”

⁸Komŭnŭ Hiram pait pinganang ati ka Solomon: “Aku mbŭh trima pinganang mu ka mbŭh sidia an ndai nanyam pimite mu. Aku re sidia tŭngŭn tŭngŭn kayuh sedar yŭn mu samŭn tŭngŭn kayuh sipres.

⁹Bara daya ku re taban betang betang kayuh so Lebanon di ka rawŭt, ka re mŭtŭs-i jadi rating bada tipuang ka paman-i mapang tabing ndŭg tarun adi kuu mien. Diginŭ daya ku re natas bŭŭng-i ka daya mu bisa tambit-i. Tah tung jamu kraja, aku mite kuu sidia pinguman yŭn bara daya ku.”

¹⁰Jadi Hiram nggen di Solomon sopŭrŭg tŭngŭn kayuh sedar ngga betang kayuh sipres nanyam adi raan-i,

¹¹ka Solomon nggen di Hiram 322,500 kilogram gandom ngga 400,000 lita[10] tigŭrŭ inyo kanā barang sawa ngga paan daya-i.

¹²TUHAN ingat janji-I ka nggen di Solomon pinyibijak. Hiram ngga Solomon udip bidamai ka mbŭh ndai pekat-damai ngga dingan-i.

¹³Raja Solomon tijuan 30,000 naan daya yŭn kraja takan so barang yŭn di Israel,

¹⁴ ka bada Adoniram tukang nguasa ngara. Ayŭh kutung ngara nyitaruh, 10,000 naan darŭm ndi tibaran, ka barang tibaran nyiraja sitŭkŭd ndi buran di Lebanon ka rŭŭ duwŭh buran di arŭn.

¹⁵Solomon gŭh biyŭn 80,000 naan daya di rais tarun tana sandah tukang kapŭg batuh, ka 70,000 naan tukang muat batuh,

¹⁶ka ayŭh na 3,300 naan mandor bada ngatur ka tukang jaga kraja ngara.

¹⁷So ukum Raja Solomon ngara kapŭg panggar panggar batuh ramus ndu pinagap-rasan Ramin TUHAN.

¹⁸Bara tukang Solomon ngga bara tukang Hiram ngga daya so kupo Byblos sidia batuh batuh anŭ samŭn betang betang kayuh anŭ ngga pijog Ramin TUHAN.