Read Biatah Bidayuh 1 KRONIKEL 11 Bible Online

1 KRONIKEL 11 - Biatah Bidayuh bible

1 KRONIKEL 11

¹Sopŭrŭg daya Israel di ka yŭn David di Hebron ka nang di ayŭh, “Kieh ati madis adŭp mai.

²Dawŭ-i, sirabi ka di tika Saul gibabŭ jadi raja ta, kaam nguru daya Israel darŭm perang, ka TUHAN Tapa mai bijanji ngga kaam nang kaam re nguru daya-I ka jadi raja ngara.”

³Jadi sopŭrŭg pinguru daya Israel mandŭg ka yŭn David di Hebron. Ka ayŭh ndai pambit kudus ngga ngara, ngara nginyo ayŭh, ka ayŭh jadi raja Israel, nimun adi TUHAN muko bijanji so baba Samuel.

⁴ Raja David ngga sopŭrŭg daya Israel matak ka nyerang kupo Jerusalem. Di tika anŭ kupo anŭ dog kadŭn Jebus, ka daya Jebus inŭh adi tibirik daya-asar tarun tana anŭ, ka gibabŭ inŭh ngara diginŭ.

⁵Daya Jebus kidaan di David nang ayŭh dŭh re tungang mŭrŭt kupo anŭ, pak David tungang sirabut kuta Zion ngara, ka-i rasu dog kadŭn “Kupo David”.

⁶David nang, “Sibungas daya adi siŭ daya Jebus re jadi pingibās soldadu yŭn bara tibaran soldadu ku!” Joab, adi Zeruiah dŭn sindŭ-i, nguru serang anŭ ka jadi pingibās soldadu.

⁷Sabab David mŭrŭt ka rŭŭ darŭm kuta anŭ, kuta anŭ dog kadŭn “Kupo David”.

⁸Ayŭh pari pijog kupo anŭ, piguru so tarun adi dog ngisi ngga tana, di tura ka timor sandah, ka Joab pari pijog parad adi bŭkŭn.

⁹David masang dŭ dŭ bake, sabab TUHAN Bisa-pŭrŭg agi ngga ayŭh.

¹⁰Ati inŭh susud dŭn bara soldadu David adi timagah. Samah ngga bara daya Israel adi bŭkŭn, ngara turung ayŭh jadi raja, nimun adi TUHAN muko janji, ka ngara batu pritah-i.

¹¹Sibungas-i Jashobeam so manak Hachmon, adi pinguru “Ngara adi Taruh”.[32] Ayŭh pakai jarok-i ngga rawan 300 naan daya ka siŭ sopŭrŭg ngara darŭm ndi bisaad.

¹²Komŭnŭ, ndi naan dinge adi timagah di dupan “Ngara adi Taruh” inŭh Eleazar anak Dodo, so manak Ahoh.

¹³Ayŭh parad ka David rawan daya Philistine di Ateng Dammim. Ayŭh di ŭmŭh jeri kan bara daya Israel piguru bikaduh bu,

¹⁴jadi ayŭh ngga bara soldadu-i di yun ŭmŭh anŭ bandar bandar bisaad ngga daya Philistine. TUHAN nggen di ayŭh pimanang bās.

¹⁵Ndi andu taruh naan so bara pinguru soldadu adi 30 naan anŭ di ka tibande batuh di yŭn David rŭŭ sindŭk tāng Adullam, sitadŭn ndi tibaran daya Philistine bibari di Rubān Rephaim.

¹⁶Di tika anŭ David agi di tunduh sandah adi bikuta, ka mbŭh agi tibaran so daya Philistine ngisi Bethlehem.

¹⁷David timbur jabŭng ka nang, “Kasi ka kambŭi agi daya raan tambit piin nok yŭn ku so prigi adi sindŭk tiban-bās di Bethlehem!”

¹⁸Taruh naan soldadu adi timagah anŭ naku mŭrŭt tambus tarun yŭn daya Philistine bibari, nyauk piin so prigi anŭ, ka taban-i ka yŭn David. Pak ayŭh dŭh an nok-i; ayŭh basen-i ndu sadis ka TUHAN

¹⁹ka nang, “Aku dŭh bisa nok piin ati! Anŭ mbŭh keya ka nok deya ngara adi mbŭh rubān asŭng-i di tambit piin ati!” Jadi David dŭh adŭ nok piin anŭ. Anŭ inŭh pingandai pagan taruh naan soldadu adi timagah anŭ.

²⁰Abishai adi jurud Joab inŭh pinguru “Ngara adi Taruh Puru adi Timagah anŭ”.[33] Ayŭh pakai jarok-i ngga rawan 300 naan daya ka siŭ ngara, ka jadi timagah di dupan “Ngara adi Taruh Puru”.[34]

²¹Ayŭh inŭh adi siabo timagah di dupan “Ngara adi Taruh Puru”[35] buang jadi pingubak ngara, pak ayŭh dŭh timagah mun “Ngara adi Taruh”.

²²Benaiah anak Jehoiada so Kabzeel inŭh soldadu adi timagah; ayŭh ndai bagŭ pingandai pagan, samŭn siŭ duwŭh naan pimagan bās daya Moab. Ayŭh muko ndi sidah mūn ka darŭm rubang tana di andu salju ka siŭ singah.

²³Ayŭh agi gŭh siŭ ndi naan tibande daya Egypt, 2 mita bigatung, adi bisinyata jarok adi raru baga. Benaiah nyerang ayŭh pakai pukong, sirabut jarok so tangan-i ka siŭ ayŭh ngga jarok anŭ.

²⁴Anŭ inŭh pingandai pingandai pagan Benaiah, adi ndi naan so “Ngara adi Taruh Puru”.[36]

²⁵Ayŭh adi traŭn dŭ di dupan “Ngara adi Taruh Puru”, pak dŭh timagah mun “Ngara adi Taruh”. David bada ayŭh jadi pingubak bara pingibān-i.

²⁶Bara soldadu adi bŭkŭn adi traŭn inŭh: Asahel, sude Joab Elhanan anak Dodo so Bethlehem Shammoth so Harod Helez so Pelet Ira anak Ikkesh so Tekoa Abiezer so Anathoth Sibbecai so Hushah Ilai so Ahoh Maharai so Netophah Heled anak Baanah so Netophah Ithai anak Ribai so Gibeah di Benjamin Benaiah so Pirathon Hurai so dudu rubān sindŭk Gaash Abiel so Arbah Azmaveth so Bahurum Eliahba so Shaalbon Hashem[37] so Gizon Jonathan anak Shagee so Harar Ahiam anak Sachar so Harar Eliphal anak Ur Hepher so Mecherah Ahijah so Pelon Hezro so Carmel Naarai anak Ezbai Joel jurud Nathan Mibhar anak Hagri Zelek so Ammon Naharai, adi tukang taban sinyata Joab, so Beeroth Ira ngga Gareb so Jattir Uriah daya Hitti Zabad anak Ahlai Adina anak Shiza (ndi naan pinguru so tibaran-asar Reuben, ngga tibaran adŭp-i adi 30 naan soldadu) Hanan anak Maacah Joshap(...)