Read Biatah Bidayuh 1 KRONIKEL 2 Bible Online

1 KRONIKEL 2 - Biatah Bidayuh bible

1 KRONIKEL 2

¹Jacob biyŭn simŭng duwŭh madis anak dari: Reuben, Simeon, Levi, Judah, Issachar, Zebulun,

²Dan, Joseph, Benjamin, Naphtali, Gad, ngga Asher.

³Judah biyŭn rimŭh madis anak dari. So sawŭn-i Bathshua, adi daya Canaan, ayŭh biyŭn taruh madis anak dari: Er, Onan, ngga Shelah. Anak pinuai-i, Er, mbŭh ruai arap, ka sabab anŭ TUHAN siŭ ayŭh.

⁴So iban-i adi dayung Tamar, Judah biyŭn duwŭh madis dinge anak dari, Perez ngga Zerah.

⁵Perez biyŭn duwŭh madis anak dari, Hezron ngga Hamul.

⁶Jurud-i Zerah biyŭn rimŭh madis anak dari: Zimri, Ethan, Heman, Calcol ngga Darda.

⁷ Achan,[2] adi anak dari Carmi, ndi naan so bara sesang Zerah, taban pinyirusag ka Israel darŭm ayŭh nyikŭn kayuh sirapas adi mbŭh dog nitah yŭn Tapa.

⁸Ethan biyŭn ndi anak dari, Azariah.

⁹Hezron biyŭn taruh madis anak dari: Jerahmeel, Ram, ngga Caleb.

¹⁰Taris rawang so Ram ndŭg Jesse agi simuti: Ram, Amminadab, Nahshon (daya adi traŭn so tibaran-asar Judah),

¹¹Salmon, Boaz,

¹²Obed, ka Jesse.

¹³Jesse biyŭn ju madis anak dari: nyusud ngara nanyam ka umbur: Eliab, Abinadab, Shammah,

¹⁴Nethanel, Raddai,

¹⁵Ozem, ka David.

¹⁶Ayŭh biyŭn duwŭh madis anak dayung, Zeruiah ngga Abigail. Anak dayung Jesse adi dŭn Zeruiah biyŭn taruh madis anak dari: Abishai, Joab, ka Asahel.

¹⁷Anak dayung Jesse anŭ ndi adi dŭn Abigail banŭh Jether, sesang Ishmael, ka ngara biyŭn ndi anak dari dŭn Amasa.

¹⁸Caleb anak Hezron sawŭn Azubah ka biyŭn ndi anak dayung dŭn Jerioth. Ayŭh biyŭn[3] taruh madis anak dari: Jesher, Shobab, ka Ardon.

¹⁹Ripas pinyikabŭs Azubah, Caleb sawŭn Ephrath, ka ngara biyŭn ndi anak dari adi dŭn Hur.

²⁰Anak dari Hur inŭh Uri, ka sukuh dari-i inŭh Bezalel.

²¹Kan Hezron mbŭh 60 sawa umbur-i, ayŭh sawŭn anak dayung Machir adi jurud Gilead. Ngara biyŭn ndi anak dari dŭn Segub,

²²ka Segub biyŭn ndi anak dari dŭn Jair. Jair mritah[4] 23 kupo darŭm tarun tana Gilead.

²³Pak pritah Geshur ngga Aram ngarah 60 kupo diginŭ, samŭn anak anak kupo Jair ngga Kenath, ngga kupo kupo adi sindŭk anŭ. Sopŭrŭg daya adi rŭŭ diginŭ inŭh bara sesang Machir, adi sama Gilead.

²⁴Ripas Hezron kabŭs, anak-i Caleb sawŭn Ephrath, adi uban sama-i.[5] Ngara duwŭh biyŭn ndi anak dari dŭn Ashhur, adi pijog kupo Tekoa.

²⁵Jerahmeel, adi anak pinuai dari Hezron, biyŭn rimŭh madis anak dari: Ram adi pinuai, Bunah, Oren, Ozem, ngga Ahijah.

²⁶Ram biyŭn taruh madis anak dari: Maaz, Jamin, ngga Eker. Jerahmeel biyŭn sawŭn adi bŭkŭn, adi dŭn Atarah, ka ngara biyŭn ndi anak dari dŭn Onam.

²⁷

²⁸Onam biyŭn duwŭh madis anak dari, Shammai, ngga Jada, ka Shammai gŭh biyŭn duwŭh madis anak dari, Nadab ngga Abishur.

²⁹Abishur sawŭn dayung dŭn Abihail, ka ngara biyŭn duwŭh madis anak dari, Ahban ngga Molid.

³⁰Jurud Abishur adi dŭn Nadab biyŭn duwŭh madis anak dari, Seled, ngga Appaim, pak Seled kabŭs ka dŭh biyŭn anak dari.

³¹Appaim inŭh sama Ishi, Ishi inŭh sama Sheshan, ka Sheshan inŭh sama Ahlai.

³²Jada, adi jurud Shammai, biyŭn duwŭh madis anak dari, Jether ngga Jonathan, pak Jether kabŭs ka dŭh biyŭn anak dari.

³³Jonathan biyŭn duwŭh madis anak dari, Peleth ngga Zaza. Sopŭrŭg ngara inŭh sesang Jerahmeel.

³⁴Sheshan dŭh biyŭn anak dari, adŭ-i anak anak dayung. Ayŭh biyŭn ndi daya-gaji adi daya Egypt, dŭn Jarha.

³⁵Di Jarha ayŭh nggen ndi naan anak dayung-i ndu sawŭn, ka ngara biyŭn ndi anak dari dŭn Attai.

³⁶Susud taris rawang so Attai ndŭg Elishama inŭh simuti: Attai, Nathan, Zabad,

⁴¹Jekamiah, ka Elishama.

⁴²Anak pinuai dari Caleb, adi jurud Jerahmeel inŭh Mesha. Mesha inŭh sama Ziph. Ziph inŭh sama Mareshah adi sama Hebron.[6]

⁴³Hebron biyŭn pat madis anak dari: Korah Tappuah, Rekem, ka Shema.

⁴⁴Shema inŭh sama Raham ka babai Jorkeam. Rekem adi jurud Shema inŭh sama Shammai,

⁴⁵adi sama Maon, ka Maon sama Bethzur.

⁴⁶Caleb biyŭn ndi naan dayung nyikŭn dŭn Ephah. Ka Ephah biranak yŭn-i taruh madis anak dari dinge: Haran, Moza, ngga Gazez. Haran gŭh biyŭn ndi anak dari dŭn Gazez.

⁴⁷(Ndi naan daya adi dŭn Jahdai biyŭn nŭm madis anak dari: Regem, Jotham, Geshan, Pelet, Ephah, ka Shaaph.)

⁴⁸Caleb biyŭn dayung nyikŭn adi bŭkŭn, Maacah, adi biranak yŭn-i duwŭh madis anak dari: Sheber ngga Tirhanah.

⁴⁹Ripas anŭ ayŭh biranak duwŭh madis dinge anak dari: Shaaph, adi pijog kupo Madmannah; ka Shevah, adi pijog kupo Machbenah ngga Gibea. Nambah ka anŭ, Caleb biyŭn ndi anak dayung dŭn Achsah.

⁵⁰Ngara ati gŭh bara sesang Caleb: Hur inŭh anak pinuai Caleb ngga sawŭn-i Ephrath. Anak Hur adi dŭn Shobal pijog kupo Kiriath Jearim,

⁵¹anak dari-i adi numbor duwŭh adi dŭn Salma pijog kupo Bethlehem, ka anak-i adi numbor taruh adi dŭn Hareph pijog kupo Bethgader.

⁵²Shobal adi pijog kupo Kiriath Jearim, inŭh babuk daya Haroeh, sitangah bara daya adi rŭŭ di kupo Menuhoth,

⁵³ka ati inŭh bara manak adi rŭŭ di Kiriath Jearim: daya Ithri, daya Puthi, daya Shumath, ngga daya Mishra. (Daya adi rŭŭ di kupo Zorah ngga kupo Eshtaol inŭh bara manak anŭ.)

⁵⁴Salma, adi pijog kupo Bethlehem, inŭh babuk daya Netophath, daya Atroth Beth Joab, ngga daya Zor, adi ndi so so-duwŭh manak adi rŭŭ di Manahath.

⁵⁵(Manak bara daya adi pandai nuris ka pandai kopi surat rŭŭ di kupo Jabez: daya Tirath, daya Shimeath, ngga daya Sucath. Ngara inŭh daya Ken adi mbŭh banan sawan ngga daya Rechab.)