Read Biatah Bidayuh 1 KRONIKEL 20 Bible Online

1 KRONIKEL 20 - Biatah Bidayuh bible

1 KRONIKEL 20

¹ Di tipuh bunga, tipuh adi ngga raja raja matak biperang, Joab nguru bara tibaran soldadu ruah di nyerang tana Ammon; Raja David, rŭŭ di Jerusalem. Ngara nyikapung kupo Rabbah, nyerang-i, ka pirubuh-i.

²Tibudo daya Ammon, Molech[48] biyŭn ndi makota adi bat-i kurang rabis 34 kilogram. Di makota anŭ agi ndi batuh brega, adi David tambit ka na di makota adŭp-i. Ayŭh gŭh tambit raru bagŭ kayuh sirapas so kupo anŭ.

³Ayŭh tambit bara daya kupo anŭ ka bada ngara nyiraja pakai grigaji, sakor basi, ka kapak basi. Ayŭh simŭnŭ gŭh ngga daya di sopŭrŭg kupo Ammon adi bŭkŭn. Komŭnŭ ayŭh ngga bara daya-i pari ka Jerusalem.

⁴Ripas anŭ, agi dinge biperang ngga daya Philistine di Gezer. Di tika anŭ Sibbecai so Hushah siŭ ndi naan daya grigasi dŭn Sippai, ngga bada bara daya Philistine arah.

⁵ Agi dinge biperang ngga daya Philistine, ka Elhanan anak Jair siŭ Lahmi, jurud Goliath so Gath. Tan jarok-i mati parang sinangan tanun.

⁶Agi dinge biperang di Gath, di yŭn ndi naan grigasi adi biyŭn nŭm trinju di soduwŭh tangan-i ka nŭm trinju kaja di soduwŭh kaja-i. Ayŭh anŭ sesang grigasi adi jah.

⁷Ayŭh pimangŭh bara daya Israel, ka Jonathan, adi anak Shammah jurud David, siŭ ayŭh.

⁸Ngara taruh anŭ, adi dog siŭ David ngga bara dingan-i, inŭh sesang grigasi di Gath.