Read Biatah Bidayuh 1 KRONIKEL 24 Bible Online

1 KRONIKEL 24 - Biatah Bidayuh bible

1 KRONIKEL 24

¹Ati inŭh tibaran tibaran sesang Aaron. Aaron biyŭn pat madis anak dari: Nadab, Abihu, Eleazar, ngga Ithamar.

² Nadab ngga Abihu kabŭs diŭ so sama ngara, ka dŭh biyŭn sesang, jadi jurud ngara Eleazar ngga Ithamar jadi imam.

³Raja David kutung bara sesang Aaron ngga tibaran nanyam ka kraja ngara. Di pingatur anŭ ayŭh dog turung Zadok, adi sesang Eleazar, ka Ahimelech, adi sesang Ithamar.

⁴Bara sesang Eleazar dog kutung nŭm tibaran, darŭm bara sesang Ithamar dog kutung mai tibaran, sabab bagŭ dŭ pingubak rawang adi dari di dupan bara sesang Eleazar.

⁵Amai mbŭh agi pinurung pinurung Ramin TUHAN ngga pinguru adat di dupan bara sesang Eleazar ngga Ithamar, kutung kraja inŭh pakai taran dadu.

⁶Bara sesang Eleazar ngga sesang Ithamar bikires taran dadu. Komŭnŭ ngara dog pibŭrŭt Shemaiah anak Nethanel daya Levi, adi tukang pinuris. Raja, bara pinurung-i, imam Zadok, Ahimelech anak Abiathar, ngga bara pingubak rawang imam samŭn rawang daya Levi, jadi saksi.

⁷Ati inŭh susud 24 tibaran rawang adi dog nggen utung utung kraja nunda ka numbor ngara: 1. — Jehoiarib 2. — Jedaiah 3. — Harim 4. — Seorim 5. — Malchijah 6. — Mijamin 7. — Hakkoz 8. — Abijah 9. — Jeshua 10. — Shecaniah 11. — Eliashib 12. — Jakim 13. — Huppah 14. — Jeshebeab 15. — Bilgah 16. — Immer 17. — Hezir 18. — Happizzez 19. — Pethahiah 20. — Jehezkel 21. — Jachin 22. — Gamul 23. — Delaiah 24. — Maaziah

¹⁹Ngara dog pibŭrŭt nanyam ka utung utung kraja ngara ngga mŭrŭt Ramin TUHAN ka ndai kraja adi dog piguru babuk ngara Aaron, nanyam ka pesan TUHAN adi Tapa Israel.

²⁰Ati dinge adi bŭkŭn bara pingubak rawang sesang Levi: Jehdeiah, adi sesang Amram so Shebuel;

²¹Isshiah, adi sesang Rehabiah;

²²Jahath, adi sesang Izhar so Shelomith;

²³Jeriah, Amariah, Jehaziel, ngga Jekameam, adi bara anak Hebron, nyusud nanyam ka umbur ngara;

²⁴Shamir, adi sesang Uzziel so Micah;

²⁵Zechariah, adi sesang Uzziel so Isshiah, adi jurud Micah;

²⁶Mahli, Mushi, ngga Jaaziah, adi sesang Merari.

²⁷Jaaziah biyŭn taruh madis anak dari: Shoham, Zaccur, ngga Ibri.

²⁸Mahli biyŭn duwŭh madis anak dari, Eleazar ngga Kish. Eleazar dŭh biyŭn anak dari, pak Kish biyŭn ndi anak dari, Jerahmeel.

³⁰Mushi biyŭn taruh madis anak dari: Mahli, Eder, ngga Jeremoth. Anŭ inŭh bara rawang daya Levi.

³¹Pingubak barang rawang ngga ndi naan so jurud-i adi mara taran dadu ngga puan utung utung kraja ngara, nimun madis ngara, adi bara imam sesang Aaron, mbŭh ndai. Raja David, Zadok, Ahimelech, ngga bara pingubak rawang imam samŭn rawang daya Levi jadi saksi.