Read Biatah Bidayuh 1 KRONIKEL 4 Bible Online

1 KRONIKEL 4 - Biatah Bidayuh bible

1 KRONIKEL 4

¹Ati inŭh kada so sesang Judah: Perez, Hezron, Carmi, Hur, ngga Shobal.

²Shobal inŭh sama Reaiah, Reaiah sama Jahath, Jahath sama Ahumai ngga Lahad, adi babuk daya adi rŭŭ di Zorah.

³Hur inŭh anak pinuai Caleb ngga sawŭn-i Ephrath, ka sesang-i inŭh adi pijog kupo Bethlehem. Hur biyŭn taruh madis anak dari: Etam, Penuel, ngga Ezer. Etam biyŭn taruh madis anak dari:[8] Jezreel, Ishma, ngga Idbash, ka ndi anak dayung dŭn Hazzelelponi. Penuel pijog kupo Gedor, ka Ezer pijog kupo Hushah.

⁵Ashhur, adi pijog kupo Tekoa, biyŭn duwŭh sawŭn: Helah ngga Naarah.

⁶Ayŭh ngga Naarah biyŭn pat madis anak dari; Ahuzzam, Hepher, Temeni, ngga Haahashtari.

⁷Ashhur ngga Helah biyŭn taruh madis anak dari: Zereth, Izhar, ngga Ethnan.

⁸Koz inŭh sama Anub ngga Zobebah, ka babuk manak manak daya adi sesang Aharhel anak Harum.

⁹Agi ndi naan daya dŭn Jabez, adi ruai dog stabi di rawang-i. Sindŭ-i kadŭn ayŭh Jabez,[9] sabab pinyibranak-i mbŭh ruai mandam.

¹⁰Jadi Jabez bidua ka Tapa Israel, “Nyiberkat aku, Tapa, ka nggen di aku bagŭ tana. Rŭŭ ngga aku ka pijo aku so kayuh adi arap adi bisa bada aku mandam.” Ka Tapa nggen di ayŭh kayuh adi-i mite.

¹¹Caleb, adi jurud Shuhah, biyŭn ndi anak dari adi dŭn Mehir. Mehir inŭh sama Eshton,

¹²Eshton biyŭn taruh madis anak dari: Bethrapha, Paseah, ngga Tehinnah. Tehinnah inŭh adi pijog kupo Nahash. Sesang sesang ngara anŭ rŭŭ di Recah.

¹³Kenaz biyŭn duwŭh madis anak dari: Othniel ngga Seraiah. Othniel biyŭn gŭh duwŭh madis anak dari: Hathath ngga Meonothai.[10]

¹⁴Meonothai inŭh sama Ophrah. Seraiah inŭh sama Joab, adi sibungas daya rŭŭ di Rubān Tukang, di yŭn sopŭrŭg daya adi pandai bitukang rŭŭ.

¹⁵Caleb adi anak Jephunneh biyŭn taruh madis anak dari: Iru, Elah, ngga Naam. Ka Elah inŭh sama Kenaz.

¹⁶Jehallelel biyŭn pat madis anak dari: Ziph, Ziphah, Tiria, ngga Asarel.

¹⁷Ezrah biyŭn pat madis anak dari: Jether, Mered, Epher, ngga Jalon. Mered sawŭn Bithiah anak raja Egypt, ka ngara biyŭn ndi anak dayung dŭn Miriam, ka duwŭh anak dari dŭn Shammai ngga Ishbah. Ishbah pijog kupo Eshtemoa. Mered gŭh sawŭn ndi naan dayung so tibaran-asar Judah, ka ngara biyŭn taruh madis anak dari: Jered, adi pijog kupo Gedor; Heber, adi pijog kupo Soco; ka Jekuthiel, adi pijog kupo Zanoah.

¹⁹Hodiah sawŭn jurud dayung Naham. Sesang ngara inŭh tayung-babuk manak Garm, adi rŭŭ di kupo Keilah, ka manak Maacath, adi rŭŭ di kupo Eshtemoa.[11]

²⁰Shimon biyŭn pat madis anak dari: Amnon, Rinnah, Benhanan, ngga Tilon. Ishi biyŭn duwŭh madis anak dari: Zoheth ngga Benzoheth.

²¹Shelah inŭh ndi naan so bara anak dari Judah. Er inŭh ndi naan so bara sesang-i, adi pijog kupo Lecah; Laadah, pijog kupo Mareshah; manak bara pinanun banang linen, adi rŭŭ di kupo Beth Ashbea;

²²Jokim ngga bara daya adi rŭŭ di kupo Cozeba; ka Joash ngga Saraph, adi sawŭn dayung dayung daya Moab ka komŭnŭ rŭŭ di Bethlehem.[12] (Rekod ati dog tambit so rapi-surat adi raru amba.)

²³Ngara jadi daya adi tukang ndai priok di ribo kuasa raja adi rŭŭ di kupo Netaim ngga kupo Gederah.

²⁴Simeon biyŭn rimŭh madis anak dari: Nemuel, Jamin, Jarib, Zerah, ngga Shaul.

²⁵Anak Shaul inŭh Shallum, sukuh-i inŭh Mibsam, ka sukuh sit-i inŭh Mishma.

²⁶Komŭnŭ so Mishma taris sesang-i mūn ndŭg Hammuel, Zaccur, ngga Shimei.

²⁷Shimei biyŭn simŭng nŭm madis anak dari ka nŭm madis anak dayung, pak bara madis-i dŭh biyŭn bagŭ anak, ka tibaran-asar Simeon dŭh papah bagŭ mun tibaran-asar Judah.

²⁸ Ndŭg jaman Raja David, sesang Simeon rŭŭ di kupo kupo ati: Beersheba, Moladah, Hazarshual,

²⁹Bilhah, Ezem, Tolad,

³⁰Bethuel, Hormah, Ziklag,

³¹Beth Marcaboth, Hazarsusim, Bethbiri, ngga Shaaraim.

³²Ngara gŭh rŭŭ di rimŭh anak kupo adi bŭkŭn: Etam, Ain, Rimmon, Tochen, ngga Ashan,

³³ngga anak anak kupo adi maning tarun anŭ, jeh ndŭg kupo Baalath di siratan-barat. Ka anŭ inŭh rekod adi ngara nyikŭn pasar rawang rawang ngara samŭn tarun tana adi yŭn ngara rŭŭ.

³⁴Bara dari ati inŭh bara pinguru manak: Meshobab, Jamlech, Joshah anak Amaziah, Joel, Jehu (anak Joshibiah, Joshibiah anak Joshah, Joshah anak Seraiah, ka Seraiah anak Asiel), Elioenai, Jaakobah, Jeshohaiah, Asaiah, Adiel, Jesimiel, Benaiah, Ziza (adi anak Shiphi, ka Shiphi anak Allon, ka Allon sesang Jedaiah, Shimri, ngga Shemaiah). Sabab rawang ngara babŭ papah,

³⁹ngara matak ka barat ka mbŭh sindŭk kupo Gerar[13] ka paan dāng kudip ngara di tarun tana kupai di bŭngŭn rubān di yŭn kupo anŭ mijog.

⁴⁰Ngara dapŭd bagŭ tarun tana mandis diginŭ adi sapa tarun tana rais adi pajam buang bamai. Daya adi ko rŭŭ diginŭ dawŭ-i inŭh daya Ham.

⁴¹Di jaman pinyipritah Hezekiah adi Raja Judah, bara daya adi dog nyabŭt tejah mandŭg ka Gerar ka nyirubuh bari bari ngga bari-dawŭn daya adi rŭŭ diginŭ.[14] Ngara pibu bara daya anŭ so nŭ ka adŭp ngara rŭŭ diginŭ sabab diginŭ bagŭ tarun-tana kupai yŭn biri ngara.

⁴²Rimŭh ratus naan adi bŭkŭn so tibaran-asar Simeon matak ka Edom di tura ka timor. Ngara dog nguru bara anak dari Ishi: Pelatiah, Neariah, Rephaiah, ngga Uzziel.

⁴³Diginŭ ngara siŭ bara daya Amalek adi dŭm, ka adŭp ngara so nganŭ rŭŭ diginŭ.