Read Biatah Bidayuh 1 KRONIKEL 7 Bible Online

1 KRONIKEL 7 - Biatah Bidayuh bible

1 KRONIKEL 7

¹Issachar biyŭn pat madis anak dari: Tola, Puah, Jashub, ngga Shimron.

²Tola biyŭn nŭm madis anak dari: Uzzi, Rephaiah, Jeriel, Jahmai, Ibsam, ngga Shemuel. Ngara inŭh pingubak rawang manak Tola buang soldadu adi timagah. Di jaman Raja David prungun sesang ngara inŭh 22,600 naan.

³Uzzi biyŭn ndi anak dari, Izrahiah: Izrahiah ngga pat madis anak dari-i, Michael, Obadiah, Joel, ngga Isshiah, inŭh pingubak pingubak rawang.

⁴Ngara biyŭn raru bagŭ sawŭn ngga bara anak, ndŭg ka sesang sesang ngara tungang piruah 36,000 naan dari yŭn jadi soldadu.

⁵Nanyam ka rekod sopŭrŭg rawang so tibaran-asar Issachar, 87,000 naan dari adi dapŭd jadi soldadu.

⁶Benjamin biyŭn taruh madis anak dari: Bela, Becher, ngga Jediael.

⁷Bela biyŭn rimŭh madis anak dari: Ezbon, Uzzi, Uzziel, Jerimoth, ngga Iri. Ngara inŭh pingubak rawang manak anŭ ka mbŭh bara soldadu adi timagah. Bara sesang ngara biyŭn 22,034 naan dari adi dapŭd jadi soldadu.

⁸Becher biyŭn prii madis anak dari: Zemirah, Joash, Eliezer, Eleoenai, Omri, Jeremoth, Abijah, Anathoth, ngga Alemeth.

⁹Nanyam ka rekod bara sesang ngara, nanyam ka rawang, agi 20,200 naan dari adi dapŭd jadi soldadu.

¹⁰Jediael biyŭn ndi anak dari, Bilhan, ka Bilhan biyŭn ju madis anak dari: Jeush, Benjamin, Ehud, Chenaanah, Zethan, Tarshish, ngga Ahishahar.

¹¹Ngara inŭh pingubak rawang manak anŭ buang soldadu adi timagah. Bara sesang ngara biyŭn 17,200 naan dari adi dapŭd jadi soldadu.

¹²Shuppim ngga Huppim gŭh so tibaran-asar anŭ. Dan biyŭn ndi anak dari, Hushim.[18]

¹³Naphtali biyŭn pat madis anak dari: Jahziel, Guni, Jezer, ngga Shallum. (Ngara inŭh sesang Bilhah.[19])

¹⁴So dayung nyikŭn-i adi dayung daya Aram, Manasseh biyŭn duwŭh madis anak dari, Asriel ngga Machir. Machir inŭh sama Gilead.

¹⁵Machir dapŭd duwŭh naan dayung yŭn Huppim ngga Shuppim ndu sawŭn, Dŭn jurud dayung-i inŭh Maacah. Anak dari Machir adi numbor duwŭh inŭh Zelophehad, ka ayŭh biyŭn anak anak dayung adŭ.

¹⁶Maacah, adi sawŭn Machir, biranak duwŭh madis anak dari, adi ngara kadŭn Peresh ngga Sheresh. Peresh biyŭn duwŭh madis anak dari, Ulam ngga Rakem,

¹⁷ka Ulam biyŭn ndi anak dari dŭn Bedan. Sopŭrŭg ngara inŭh sesang Gilead, adi anak Machir ka sukuh Manasseh.

¹⁸Hammolecheth adi jurud dayung Gilead biyŭn taruh madis anak dari: Ishod, Abiezer, ngga Mahlah.

¹⁹(Shemida biyŭn pat madis anak dari: Ahian, Shechem, Likhi, ngga Aniam.)

²⁰Ati inŭh bara sesang Ephraim so turap ndi ndŭg turap andi: Shuthelah, Bered, Tahath, Eleadah, Tahath,

²¹Zabad, Shuthelah. Ephraim biyŭn duwŭh madis anak dari adi bŭkŭn: Ezer ngga Elead, adi dog siŭ kan ngara suba naku dāng kudip tibaran daya adi rŭŭ di Gath.

²²Sama ngara Ephraim tui ngurid ngara, ka bara madis-i mandŭg di nyaduh ayŭh.

²³Ayŭh mŭrŭt tudu sawŭn-i dinge, ka sawŭn-i bite ka biranak ndi anak dari. Ngara kadŭn anak anŭ Beriah,[20] sabab pinyusah adi mbŭh nyatŭk rawang ngara.

²⁴Ephraim biyŭn ndi anak dayung dŭn Sheerah. Sheerah pijog kupo Beth Horon Sijo ngga Beth Horon Saba, ngga kupo Uzzen Sheerah.

²⁵Ephraim biyŭn gŭh ndi anak dari dŭn Rephah; ka susud bara sesang-i inŭh simuti: Resheph, Telah, Tahan,

²⁶Ladan, Ammihud, Elishama,

²⁷Nun, Joshua.

²⁸Tarun tana adi ngara tambit ka rŭŭ dieh inŭh samŭn Bethel ngga kupo kupo adi maning-i, jeh ndŭg Naaran di parad ka timor ka jeh ndŭg Gezer di parad ka barat ngga kupo kupo maning anŭ. Anŭ mbŭh samŭn kupo Shechem ngga kupo Ayyah, ngga anak anak kupo maning anŭ.

²⁹Bara sesang Manasseh nguasa kupo kupo Beth Shan, Taanach, Megiddo, ngga Dor, samŭn anak anak kupo maning anŭ. Sopŭrŭg anŭ inŭh tarun tana adi yŭn bara sesang Joseph anak Jacob rŭŭ.

³⁰Ati inŭh bara sesang Asher. Ayŭh biyŭn pat madis anak dari: Imnah, Ishvah, Ishvi, ngga Beriah; ka ndi anak dayung dŭn Serah.

³¹Beriah biyŭn duwŭh madis anak dari: Heber ngga Malchiel. (Malchiel inŭh adi pijog kupo Birzaith.)

³²Heber biyŭn taruh madis anak dari: Japhlet, Shomer, ngga Hotham; ka ndi anak dayung dŭn Shua.

³³Japhlet biyŭn gŭh taruh madis anak dari: Pasach, Bimhal, ngga Ashvath.

³⁴Jurud dari-i Shomer biyŭn taruh madis anak dari: Rohgah, Jehubbah, ngga Aram.

³⁵Jurud dari-i Hotham[21] biyŭn pat madis anak dari: Zophah, Imna, Shelesh, ngga Amal.

³⁶Bara sesang Zophah inŭh Suah, Harnepher, Shual, Beri, Imrah,

³⁷Bezer, Hod, Shamma, Shilshah, Ithran, ngga Beera.

³⁸Bara sesang Jether inŭh Jephunneh, Pispa, ngga Ara,

³⁹ka bara sesang Ulla inŭh Arah, Hanniel, ngga Rizia.

⁴⁰Sopŭrŭg ngara anŭ inŭh sesang Asher. Ngara inŭh pingubak rawang, soldadu adi timagah darŭm biperang, ka pinguru adi pagan. Bara sesang Asher biyŭn 26,000 naan dari adi dapŭd jadi soldadu.