Read Biatah Bidayuh 2 KRONIKEL 27 Bible Online

2 KRONIKEL 27 - Biatah Bidayuh bible

2 KRONIKEL 27

¹Jotham jadi raja kan umbur-i mbŭh 25 sawa, ka ayŭh mritah di Jerusalem sitian simŭng nŭm sawa. Sindŭ-i inŭh Jerushah, anak Zadok.

²Ayŭh ndai kayuh adi pimunos asŭng TUHAN, batur nimun sama adŭp-i; pak dŭh mun sama-i adi bidosa amai badang kimanyan[34] di Ramin TUHAN. Sunggu mŭnŭ, bara daya babŭ ndai dosa.

³Jotham inŭh adi pijog Tiban Utara Ramin TUHAN ka nambah nyurat sindung kupo di tarun tana Jerusalem dŭn Ophel.

⁴Di tarun tana darŭd Judah ayŭh pijog kupo kupo, ka di tuān ayŭh pijog kuta kuta ngga dudu tawā.

⁵Ayŭh biperang rawan raja so Ammon ayō bara tibaran soldadu-i ka ngarah ngara. Komŭnŭ ayŭh takan bara daya Ammon bayar takŭd ati barang sawa sitŭkŭd taruh sawa: 3,400 kilogram pirak, 1,000 tan gandom, ka 1,000 tan jeri.

⁶Jotham bitambah bikuasa sabab ayŭh tŭtŭd di TUHAN adi Tapa-i.

⁷Kraja pingandai Jotham adi bŭkŭn darŭm pinyipritah-i, perang-i, ka atur atur-i, sopŭrŭg mbŭh dog nuris darŭm Surat Dundan bara Raja Israel ngga Judah.

⁸Jotham mbŭh 25 sawa kan ayŭh jadi raja, ka ayŭh mritah di Jerusalem sitian simŭng nŭm sawa.

⁹Ayŭh kabŭs ka dog kubur di Kupo David ka anak-i Ahaz gati ayŭh jadi raja.