Read Biatah Bidayuh 2 KRONIKEL 3 Bible Online

2 KRONIKEL 3 - Biatah Bidayuh bible

2 KRONIKEL 3

¹ Raja David, sama Solomon, mbŭh sidia tarun yŭn Ramin TUHAN. Anŭ inŭh di Jerusalem, di Darŭd Moriah, di yŭn TUHAN nandŭng di David, tarun yŭn adi Araunah daya Jebus muko pakai ndu tarun yŭn ngiik. Raja Solomon piguru pijog

²darŭm buran adi duwŭh sawa adi pat ayŭh jadi raja.

³Ramin TUHAN adi Raja Solomon pijog inŭh 27 mita ambu ka 9 mita bayah.

⁴Birit-mŭrŭt nyimati bayah-i ngga Ramin TUHAN, 9 mita, ka 54 mita bigatung. Darŭm birit anŭ dog nurap ngga tigŭrŭ mas.

⁵Birit bās dog nurap ngga kayuh sedar ka dog nurap ngga mas, di yŭn agi butik tŭngŭn tŭngŭn kurma ngga butik adi mun parik basi.

⁶Raja ngabuh Ramin TUHAN ngga batuh adi ramus ka adi grua ka ngga mas adi dog taban so tarun tana Parvaim.

⁷Ayŭh pakai mas ngga nurap sindung, kasu kasu, pinutug tiban, ka tiban tiban Ramin TUHAN. Di sindung bara tukang ndai butik cherubim.[5]

⁸ Birit tura ka darŭm, adi dog kadŭn Yŭn adi Siabo Kudus, 9 mita ambu ngga 9 mita bayah, adi nyimati ngga Ramin TUHAN. Rabis 20 tan mas dog pakai ngga nurap sindung Yŭn adi Siabo Kudus;

⁹570 gram mas dog pakai ngga ndai pasak, ka sindung di birit birit di sambu gŭh dog nurap ngga mas.

¹⁰ Raja gŭh nggen ukum bada bara tukang ndai duwŭh cherubim so basi, nurap-i ngga mas, ka na-i di Yŭn adi Siabo Kudus,

¹¹di yŭn-i mijog birapid nura tiban. Soduwŭh cherubim anŭ biyŭn duwŭh urad, soduwŭh urad-i 2.2 mita ambu, adi tiburai ndŭg ka bitatok di yun birit anŭ ka ndŭg soduwŭh parad sindung, nyayung buka birit anŭ 9 mita bayah.

¹⁴ Tabir yŭn Yŭn adi Siabo Kudus anŭ dog ndai so banang linen ka so banang banang adi bŭkŭn, adi dog nyamŭk biru, bēng, ka bireh, ngga butik cherubim dog ndai dieh.

¹⁵Raja ndai duwŭh tiang bās; soduwŭh tiang anŭ 15.5 mita bigatung, ka dog na di jawin Bari TUHAN. Soduwŭh-i biyŭn ubak tiang 2.2 mita bigatung.

¹⁶So-duwŭh tibung tiang anŭ dog ngabuh ngga butik adi birasŭk rasŭk mun parik basi ka siratus buwa delima adi dog ndai so timaga.[6]

¹⁷Tiang tiang bās anŭ dog pijog di bŭngŭn tiban Ramin TUHAN: anŭ adi tura ka siratan dog kadŭn Jachin,[7] ka anŭ adi tura ka utara dog kadŭn Boaz.[8]