Read Biatah Bidayuh EZRA 10 Bible Online

EZRA 10 - Biatah Bidayuh bible

EZRA 10

¹Sitadŭn Ezra mutu ubak-i bidua di jawin Ramin TUHAN, sien ka ngaku sopŭrŭg dosa anŭ, ndi tibaran daya Israel -- dari, dayung, ngga anak-anya -- mandŭg ka tikuruk maning ayŭh, bandar bandar sien.

²Ka Shecaniah anak Jehiel, so manak Elam, nang di Ezra, “Kieh mbŭh bidosa rawan Tapa amai kieh mbŭh sawŭn dayung bangsa bŭkŭn, pak sunggu mŭnŭ gibabŭ agi pingarap yŭn Israel.

³Madin ata dŭh siŭn dŭh bipayu ngga Tapa an pibu bara dayung anŭ ngga bara anak ngara. Kieh re ndai kayuh adi kaam ka ngara adi bŭkŭn adi stabi di pesan Tapa mbŭh pitayan di kieh bada ndai. Kieh re tŭtŭd ngga Ukum-adat Tapa.

⁴Kaam inŭh adi dapu tanggong ndai kayuh anŭ. Kieh tunda kaam; ndai ka ngamas meh anŭ adi patut kaam ndai.”

⁵Jadi ngga-i piguru, Ezra bada bara pinguru imam, pinguru bara daya Levi, ka bara daya bŭkŭn, bipayu an ndai kayuh adi Shecaniah muko nang tejah.

⁶Komŭnŭ ayŭh di so jawin Ramin TUHAN mŭrŭt ka birit Jehohanan anak Eliashib, ka nyirŭmŭn diginŭ[16] susah pasar pimudip bara adi ko dog taran adi dŭh tŭtŭd anŭ. Ayŭh dŭh man nok.

⁷Pinganang mbŭh dog pait di ndi tarun tana Jerusalem ngga Judah nang sopŭrŭg ngara adi mbŭh mari ripas ko dog taran an ngudung di Jerusalem

⁸so ka pesan bara pinguru rayat. Kambŭi agi daya dŭh tungang mandŭg darŭm tipuh taruh andu, sopŭrŭg buat rata-i re dog sirapas, ka ayŭh re dŭh tia dog kadŭn ndi naan so daya kaum Israel.

⁹Darŭm tipuh taruh andu anŭ, dog ngga andu adi duwŭh puru darŭm buran prii, sopŭrŭg dari adi rŭŭ darŭm abong tarun tana Judah ngga Benjamin mandŭg ka Jerusalem ka tikuruk di pakan Ramin TUHAN. Andu bangat ujen, ka sopŭrŭg mbŭh nitet amai madŭd buang sitagar udung adi dŭh siŭn dŭh anŭ.

¹⁰Ezra adi imam mijog ka minyu di ngara. Ayŭh nang, “Angān mbŭh bidosa ka mbŭh nambah sarah Israel darŭm angān sawŭn dayung bangsa bŭkŭn.

¹¹Sabab anŭ, ngaku dosa ngan ka TUHAN, adi Tapa tayung-babuk ngan, ka ndai kayuh adi pimunos asŭng-I. Pijo adŭp ngan so daya bangsa bŭkŭn adi rŭŭ di tarun tana ta ka bada bu sawŭn ngan adi dayung bangsa bŭkŭn.”

¹²Bara daya bagŭ nam ngga sirŭŭn bana, “Kieh re ndai ani ani adi Kaam bada.”

¹³Pak ngara nang dinge, “Bara daya digiti mbŭh raru bagŭ ka ujen gŭh mbŭh raru bangat. Kieh dŭh tan mijog mun ati di sapa. Ati dŭh-i kayuh adi bisa dog ngatur ndi bait duwŭh andu, sabab kieh adi ndai dosa ati mbŭh raru bagŭ.

¹⁴Bada bara pinurung rŭŭ di Jerusalem ka ngatur har ati. Komŭnŭ bada ngara adi sawŭn dayung bangsa bŭkŭn mandŭg di jam adi dog miratak, samŭn bara pinguru ngga akim kupo ngara. Simŭnŭ baji Tapa di har anŭ bisa dog kadi so ata.”

¹⁵Mating daya nyakar atur anŭ, adŭ-i Jonathan anak Asahel ngga Jahzeiah anak Tikvah, adi dog batu Meshullam ngga Shabbethai, adi daya Levi.

¹⁶Bara adi mari ripas ko dog taran trima atur anŭ, jadi Ezra adi imam tijuan[17] kudu kudu naan daya so dupan bara pingubak manak ka rekod dŭn ngara. Di andu adi sibungas darŭm buran adi simŭng ngara piguru pirasa har anŭ,

¹⁷ka darŭm tipuh taruh buran ngara pirasa har pasar sopŭrŭg dari adi biyŭn sawŭn so bangsa bŭkŭn.

¹⁸Ati inŭh susud dŭn bara dari adi biyŭn sawŭn so bangsa bŭkŭn: Bara imam, dŭn ngara dog nyusud nanyam ka manak: Manak Joshua ngga bara jurud dari-i, bara anak Jehozadak: Maaseiah, Eliezer, Jarib, ngga Gedaliah.

¹⁹Ngara bijanji an taran sawŭn ngara, ka ngara jugan dari biri ndu sadis ngga taran dosa ngara.

²⁰Manak Immer: Hanani ngga Zebadiah

²¹Manak Harim: Maaseiah, Elijah, Shemaiah, Jehiel, ngga Uzziah

²²Manak Pashhur: Elioenai, Maaseiah, Ishmael, Nethanel, Jozabad, ngga Elasah

²³Daya daya Levi: Jozabad, Shimei, Kelaiah (dog kadŭn Kelita gŭh), Pethahiah, Judah, ngga Eliezer

²⁴So dupan bara pimain musik: Eliashib Bara adi tukang jaga Ramin TUHAN: Shallum, Telem, ngga Uri.

²⁵Adi bŭkŭn: Manak Parosh: Ramiah, Izziah, Malchijah, Mijamin, Eleazar, Malchijah, ngga Benaiah.

²⁶Manak Elam: Mattaniah, Zechariah, Jehiel, Abdi, Jeremoth, ngga Elijah.

²⁷Manak Zattu: Elioenai, Eliashib, Mattaniah, Jeremoth, Zabad, ngga Aziza.

²⁸Manak Bebai: Jehohanan, Hananiah, Zabbai, ngga Athlai

²⁹Manak Bani: Meshullam, Malluch, Adaiah, Jashub, Sheal, ngga Jeremoth.

³⁰Manak Pahath Moab: Adna, Chelal, Benaiah, Maaseiah, Mattaniah, Bezalel, Binnui, ngga Manasseh.

³¹Manak Harim: Eliezer, Isshijah, Malchijah, Shemaiah, Shimeon, Benjamin, Malluch, ngga Shemariah.

³³Manak Hashum: Mattenai, Mattattah, Zabad, Eliphelet, Jeremai, Manasseh, ngga Shimei.

³⁴Manak Bani: Maadai, Amram, Uel, Benaiah, Bedeiah, Cheluhi, Vaniah, Meremoth, Eliashib, Mattaniah, Mattenai, ngga Jaasu.

³⁸Manak Binnui: Shimei, Shelemiah, Nathan, Adaiah, Machnadebai, Shashai, Sharai, Azarel, Shelemiah, Shemariah, Shallum, Amariah, ngga Joseph.

⁴³Manak Nebo: Jeiel, Mattithiah, Zabad, Zebina, Jaddai, Joel, ngga Benaiah

⁴⁴Sopŭrŭg ngara anŭ sawŭn dayung bangsa bŭkŭn. Ngara birakang ngga sawŭn ngara ka bada ngara bu samŭn anak anak ngara.[18]