Read Biatah Bidayuh NEHEMIAH 12 Bible Online

NEHEMIAH 12 - Biatah Bidayuh bible

NEHEMIAH 12

¹Ati inŭh susud dŭn bara imam ka bara daya Levi adi mari ripas ko dog taran, ayō Zerubbabel anak Shealtiel ka ayō Joshua adi Imam bās:

²Bara imam: Seraiah, Jeremiah, Ezra, Amariah, Malluch, Hattush, Shecaniah, Rehum, Meremoth, Iddo, Ginnethoi, Abijah, Mijamin, Maadiah, Bilgah, Shemaiah, Joiarib, Jedaiah, Sallu, Amok, Hilkiah, ngga Jedaiah. Ngara inŭh pinguru di dupan dingan ngara adi samah imam di jaman Joshua.

⁸Bara daya Levi: Ngara adi tukang nguasa ragu trima kaseh: Jeshua, Binnui, Kadmiel, Sherebiah, Judah, ngga Mattaniah.

⁹Ngara adi jadi pinyanyi pinyinam: Bakbukiah, Unno, ngga dingan ngara adi samah daya Levi.

¹⁰Joshua inŭh sama Joiakim; Joiakim inŭh sama Eliashib; Eliashib inŭh sama Joiada;

¹¹Joiada inŭh sama Jonathan; ka Jonathan inŭh sama Jaddua.

¹²Kan Joiakim mbŭh jadi Imam Bās, bara imam ati jadi pingubak pingubak manak imam: [Imam] — [Manak] Meraiah — Seraiah Hananiah — Jeremiah Meshullam — Ezra Jehohanan — Amariah Jonathan — Malluchi Joseph — Shebaniah Adna — Harim Helkai — Meraioth Zechariah — Iddo Meshullam — Ginnethon Zichri — Abijah ...[18] — Miniamin Piltai — Moadiah Shammua — Bilgah Jehonathan — Shemaiah Mattenai — Joiarib Uzzi — Jedaiah Kallai — Sallai Eber — Amok Hashabiah — Hilkiah Nethanel — Jedaiah

²²Rekod bara pingubak rawang daya Levi ngga pingubak rawang Imam agi dog nyikŭn di jaman Imam Imam Bās ati: Eliashib, Joiada, Jonathan, ngga Jaddua. Rekod anŭ kamas dog ndai di jaman Darius jadi raja-empaya Persia.

²³Bara pingubak rawang daya Levi, agi dog nuris darŭm rekod pritah adi kaŭs-i ndŭg jaman Jonathan, adi sukuh Eliashib.

²⁴Nanyam ka pesan Hashabiah, Sherebiah, Jeshua, Binnui,[19] ka Kadmiel, bara daya Levi dog kutung darŭm tibaran. Duwŭh tibaran, di tiap saba, muji Tapa ngga gaya bibaras baras nunda ka atur adi dog nggen Raja David, adi urun Tapa.

²⁵Bara adi tukang jaga Ramin TUHAN ati tukang jaga birit birit-pinyirikŭn adi sindŭk tiban-bās Ramin TUHAN: Mattaniah, Bakbukiah, Obadiah, Meshullam, Talmon, ngga Akkub.

²⁶Ngara udip di jaman Joiakim, adi anak Joshua ka sukuh Jehozadak, ka di jaman Gabenor Nehemiah, ka di jaman Ezra, imam adi sukup pandai di Ukum-adat.

²⁷Kan sindung kupo Jerusalem dog nyikudus, bara daya Levi dog taban kamanŭ so yŭn ngara rŭŭ, isa ngara dapŭd sua darŭm kraja nyikudus anŭ buang nang ragu trima kaseh dog kayak ngga jawŭn sigager ka kachapi.

²⁸Bara pinyanyi adi so rawang Levi tikuruk so tarun tana di yŭn ngara rŭŭ maning Jerusalem ka so kupo kupo maning Netophah,

²⁹ka so Bethgilgal, Geba, ngga Azmaveth.

³⁰Bara imam ngga bara daya Levi pimanu adat pibisig di adŭp ngara, di bara daya, tiban tiban-bās, ka di sindung kupo.

³¹Aku nguruk bara pinguru Judah di tibung sindung ka bada ngara tukang nguasa duwŭh tibaran adi baga da baris maning kupo nggen trima kaseh di Tapa. Sibungas tibaran di ka tura ka tauh sambu sindung anŭ nuju Tiban Sapok.[20]

³²Hoshaiah panu di punok bara pinyanyi, dog tunda sitangah bara pinguru Judah.

³³Bara imam ati, mambak trompet, baris di punok ngara: Azariah, Ezra, Meshullam, Judah, Benjamin, Shemaiah, ngga Jeremiah. Zechariah, di punok anŭ, adi anak Jonathan ka sukuh Shemaiah. (Tayung babuk-i inŭh samŭn Mattaniah, Micaiah, ngga Zaccur, so manak Asaph.)

³⁶Ayŭh dog tunda bara so manak adŭp-i -- Shemaiah, Azarel, Milalai, Gilalai, Maai, Nethanel, Judah, ngga Hanani -- sopŭrŭg ngara taban pingakas musik adi mun anŭ adi dog mambak Raja David, adi urun Tapa. Ezra adi baga sikura-i nguru tibaran ati darŭm baris anŭ.

³⁷Di Tiban Sumbur ngara maad tungoh adi nuju kupo David, murah istana David, ka pari ka sindung di Tiban Piin, di parad tura ka timor kupo.

³⁸Tibaran ngara adi bŭkŭn adi nggen trima kaseh panu di ka bait di sambu sindung anŭ, ka aku tunda ngara samah ngga sitangah so bara daya bagŭ. Kieh baris murah Tawā Apui di ka Sindung Bayah,

³⁹ka so nŭ kieh panu murah Tiban Ephraim, Tiban Jeshanah,[21] Tiban Iken, Tawā Hananel, ka Tiban Siratus, di ka Tiban Biri. Kieh rŭŭ sindŭk tiban-bās adi nuju Ramin TUHAN.

⁴⁰Ka so-duwŭh tibaran adi nggen trima kaseh ka Tapa bidapŭd di badag Ramin TUHAN. Nambah bara pinguru adi samah panu ngga aku,

⁴¹tibaran ku agi bara imam, mambak trompet: Eliakim, Maaseiah, Miniamin, Micaiah, Elioenai, Zechariah, ngga Hananiah;

⁴²ka ngara dog tunda Maaseiah, Shemaiah, Eleazar, Uzzi, Jehohanan, Malchijah, Elam, ngga Ezer. Bara pinyanyi, dog nguru Jezrahiah, biragu bana ngga situngang tungang ngara.

⁴³Di andu anŭ bagŭ sadis dog jugan, ka bara daya mbŭh raru gaŭn sabab Tapa mbŭh bada ngara pawŭn. Bara dayung ngga anak-anya sua di gawai anŭ, ka dudu adi ngara ndai dapŭd dog dingah so jo.

⁴⁴Di tika anŭ bara daya agi dog tijuan bada nguasa birit birit-pinyirikŭn di yŭn pinganggen yŭn Ramin TUHAN dog nyikŭn, samŭn pinganggen ndi utung-so-simŭng ka buwa buwa bungas adi masak barang sawa. Ngara anŭ inŭh adi dapu tanggong sun so teya sindŭk barang kupo pinganggen yŭn bara imam ngga bara daya Levi nimun adi mbŭh dog miratak di Ukum-adat. Sopŭrŭg daya Judah munos asŭng di bara imam ngga bara daya Levi,

⁴⁵ sabab ngara pimanu adat pibisig ngga pingandai adat adi bŭkŭn adi Tapa mbŭh pesan. Bara pinyanyi Ramin TUHAN ngga bara adi tukang jaga ndai gŭh kraja ngara nanyam ka adi dog miratak di atur-adat adi dog ndai Raja David ngga anak-i Solomon.

⁴⁶So jaman Raja David ngga pinyanyi Asaph adi jah, bara pinyanyi mbŭh nguru ragu puji ngga trima kaseh ka Tapa.

⁴⁷Di jaman Zerubbabel ka di jaman Nehemiah, sopŭrŭg daya Israel nggen pinganggen barang andu adi ngga batu bara pimain musik Ramin TUHAN ka bara adi tukang jaga Ramin TUHAN. Bara daya nggen pinganggen kudus ka bara daya Levi, ka bara daya Levi nggen kada-i nanyam adi mbŭh dog miratak ka bara imam.