Read Biatah Bidayuh NEHEMIAH 7 Bible Online

NEHEMIAH 7 - Biatah Bidayuh bible

NEHEMIAH 7

¹Ka madin sindung kupo mbŭh kamas pari dog pijog, sindung sindung tiban-bās mbŭh dog na, ka bara tukang jaga ramin TUHAN, bara pinyanyi, ka bara daya Levi adi bŭkŭn mbŭh dog nggen kraja ngara.

²Aku bada jurud ku Hanani mritah Jerusalem, ka Hananiah aku bada jadi pingibās soldadu kuta. Hananiah inŭh daya adi bisa dog sabah buang daya adi taru di Tapa. Mating daya bŭkŭn re mun ayŭh.

³Aku kidaan di ngara bada dŭh kuka tiban tiban-bās Jerusalem isan isan kambŭi andu gibayuh sukup jawa. Ka aku bada ngara ngabŭt-i ngga parang sibayuh bara tukang jaga mari nyiraja singumi andu. Aku gŭh kidaan di ngara bada tijuan tukang jaga so dupan bara daya adi rŭŭ di Jerusalem ka kada so ngara anŭ patut dog nggen tarun yŭn bijaga; ka ngara adi bŭkŭn an panu bijaga maning ramin adŭp ngara.

⁴Jerusalem inŭh kupo adi bayah, pak dŭh bagŭ daya rŭŭ dieh, ka gibayuh bagŭ ramin dog pijog dieh.

⁵Tapa bada aku biyŭn atin raan nguruk bara daya ngga bara pinguru ka bara pinurung ngara ka pirasa rekod rawang ngara. Aku dapŭd rekod ngara adi diŭ pari so dog taran, ka ati inŭh kayuh adi dog nuris dieh:

⁶Bagŭ daya adi dog taran bu tingge utung rais Babylon, mari ka Jerusalem ngga Judah, masin masin ka kupo adŭp-i. Rawang ngara ko rŭŭ di Babylonia, di yŭn ngara dog taran, so jaman Raja Nebuchadnezzar tambit ngara jadi daya-takap.

⁷Pinguru ngara inŭh Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, ngga Baanah.

⁸Ati inŭh susud dŭn manak Israel, ngga kiang ngara so barang manak adi mari ripas ko dog taran: Parosh -- 2,172 Shephatiah -- 372 Arah -- 652 Pahath Moab (bara sesang Jeshua ngga Joab) -- 2,818 Elam -- 1,254 Zattu -- 845 Zaccai -- 760 Binnui -- 648 Bebai -- 628 Azgad -- 2,322 Adonikam -- 667 Bigvai -- 2,067 Adin -- 655 Ater (dog kadŭn gŭh Hezekiah) -- 98 Hashum -- 328 Bezai -- 324 Hariph -- 112 Gibeon -- 95

²⁶Bara daya adi tayung-babuk ngara ko rŭŭ di kupo kupo ati mari gŭh: Bethlehem ngga Netophah -- 188 Anathoth -- 128 Beth Azmaveth -- 42 Kiriath Jearim, Chephirah, ngga Beeroth -- 743 Ramah ngga Geba -- 621 Michmash -- 122 Bethel ngga Ai -- 123 Nebo adi bŭkŭn -- 52 Elam adi bŭkŭn -- 1,254 Harim -- 320 Jericho -- 345 Lod, Hadid, ngga Ono -- 721 Senaah -- 3,930

³⁹Ati inŭh susud dŭn bara manak imam adi mari ripas ko dog taran: Jedaiah (bara sesang Jeshua) -- 973 Immer -- 1,052 Pashhur -- 1,247 Harim -- 1,017

⁴³Bara manak daya Levi adi mari ripas ko dog taran: Jeshua ngga Kadmiel (bara sesang Hodaviah) -- 74 Pimain musik Ramin TUHAN (bara sesang Asaph) -- 148 Bara tukang jaga Ramin TUHAN (bara sesang Shallum, Ater, Talmon, Akkub, Hatita, ngga Shobai) -- 138

⁴⁶Bara manak daya-gaji Ramin TUHAN adi mari ripas ko dog taran: Ziha, Hasupha, Tabbaoth, Keros, Sia, Padon, Lebana, Hagaba, Shalmai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Meunim, Nephushesim, Bakbuk, Hakupha, Harhur, Bazlith, Mehida, Harsha, Barkos, Sisera, Temah, Neziah, ngga Hatipha.

⁵⁷Bara manak daya-gaji Solomon adi mari ripas ko dog taran: Sotai, Sophereth, Perida, Jaalah, Darkon, Giddel, Shephatiah, Hattil, Pochereth Hazzebaim, ngga Amon.

⁶⁰Prungun bara sesang daya-gaji Ramin TUHAN ngga bara daya-gaji Solomon adi mari ripas ko dog taran inŭh 392 naan.

⁶¹Agi 642 naan so manak Delaiah, Tobiah, ka Nekoda adi mari so kupo Tel Melah, Tel Harsha, Cherub, Addon, ngga Immer; pak ngara dŭh tungang kidaan adŭp ngara sawŭ bara sesang Israel.

⁶³Bara manak imam ati dŭh tungang dapŭd rekod pasar tayung-babuk ngara: Habaiah, Hakkoz, ngga Barzillai. (Babuk bara imam so manak Barzillai sawŭn dayung so manak Barzillai so Gilead ka mbŭh ngakat dŭn manak damŭh-i.) Amai ngara dŭh tungang kidaan asi tayung-babuk ngara, ngara dŭh dog trima jadi imam.

⁶⁵ Gabenor daya Jahudi kidaan di ngara nang ngara dŭh siŭn man pinguman adi dog jugan ka Tapa ndŭg ka mbŭh agi ndi naan imam adi dapŭd pakai Urim ngga Thummim.[12]

⁶⁶Prungun bara daya adi mari ripas ko dog taran -- 42,360 Dari ngga dayung adi bara daya-gaji ngara -- 7,337 Dari ngga dayung adi bara pimain musik -- 245 Kuda -- 736 Kuda pinakan kaldi -- 245 Onta -- 435 Kaldi -- 6,720

⁷⁰Bagŭ daya mbŭh nggen pinganggen ngga turung bayar biranja pari pijog Ramin TUHAN: Gabenor — 8 kilogram mas — 50 makuk adat — 530 jipo-ambu imam Pingubak manak — 168 kilogram mas — 1,250 kilogram pirak Bara daya bŭkŭn — 168 kilogram mas — 140 kilogram pirak — 67 jipo-ambu imam

⁷³ Bara imam, bara daya Levi, bara tukang jaga Ramin TUHAN, bara pimain musik, daya daya saja, bara daya-gaji Ramin TUHAN -- sopŭrŭg daya Israel -- rŭŭ di anak anak kupo ngga di kupo kupo di Judah.