Read Biatah Bidayuh PINYIRUAH 1 Bible Online

PINYIRUAH 1 - Biatah Bidayuh bible

PINYIRUAH 1

¹ Bara anak Jacob adi di ka Egypt ngga ayŭh, barang naan ngga rawang adŭp-i, inŭh

²Reuben, Simeon, Levi, Judah,

³Issachar, Zebulun, Benjamin,

⁴Dan, Naphtali, Gad, ka Asher.

⁵Prungun ngara adi tigŭrŭ sesang Jacob agi ju puru naan. Anak dari-i Joseph taŭn mbŭh diŭ agi di Egypt.

⁶Mua tian-i ripas anŭ, Joseph ngga bara jurud-i samŭn sopŭrŭg adi so turap anŭ kabŭs,

⁷ pak bara sesang ngara, daya Israel, biyŭn bagŭ anak ka papah ka jadi raru bagŭ buang bake, ndŭg ka Egypt mbŭh puno da ngara.

⁸ Komŭnŭ ndi naan raja, adi dŭh puan Joseph, makat ka nguasa Egypt.

⁹Ayŭh nang di bara daya-i, “Bara daya Israel mbŭh raru bagŭ buang bake; ngara re jadi pinyusah di ata.

¹⁰ Di tipuh perang kadŭ ngara re mbit parad ka pinganyu ta an rawan bara ta, ka re bu so[1] rais ta. Ata patut jiroh aran ngga bada ngara dŭh tanŭ ka bitambah rabis bagŭ.”

¹¹Ngapŭi meh bara daya Egypt bada bara pinguasa urun takan ngara da ndai kraja ngga piramah simangi ngara. Bara daya Israel dog piurun bada pijog kupo Pithom ngga kupo Rameses da jadi kupo pinyirikŭn gandom ngga kayuh kayuh bŭkŭn yŭn raja.

¹²Pak makin ka daya Egypt kinanyuh bara daya Israel, makin ka ngara rabis daras papah di ndi tarun tana anŭ. Bara daya Egypt timbur taru di bara daya Israel,

¹³ka takan ngara da ndai kraja urun adi raru sangsara. Ngara bada ngara ndai kraja piramin ngga biteya birŭmŭh yŭn ngara ka dŭh biyŭn masi di ngara.

¹⁵Komŭnŭ raja daya Egypt minyu di Shiprah ngga Puah, duwŭh naan dayung pinading adi ari turung bara dayung Hebrew.

¹⁶“Kan angān turung dayung Hebrew biranak,” ayŭh nang di ngara, “siŭ anak anŭ kambŭi-i anak dari; pak tandah bada udip kambŭi-i anak dayung.”

¹⁷Pak duwŭh naan dayung pinading anŭ dayung adi taru di Tapa, ka dŭh ngara tunda pinganang raja. Ngara nyibireu pinganang raja, ka tanŭ ka kudip anak pira adi dari.

¹⁸Jadi raja bada pinading pinading anŭ mandŭg ka yŭn adŭp-i ka-i siken di ngara, “Mani angān ndai simŭnŭ? Mani angān tandah bara anak pira dari udip?”

¹⁹Ngara nam raja anŭ, “Dayung daya Hebrew dŭh mun dayung daya Egypt. Ngara sanang biranak; sibayuh kieh ndŭg nŭ anak ngara mbŭh diŭ ruah.”

²⁰Sabab dayung dayung pinading anŭ taru di Tapa, Tapa kana ngga ngara, ka mbŭh nggen di ngara masin masin rawang adŭp ngara. Ka bara daya Israel tanŭ ka bitambah papah, ka jadi bake.

²² Rango ka raja piruah ukum ka sopŭrŭg rayat-i: “Tambit sopŭrŭg anak dari daya Hebrew adi bauh dog biranak ka taran ngara ka Yang Nile, pak tandah sopŭrŭg anak dayung udip.”