Read Biatah Bidayuh JOB 12 Bible Online

JOB 12 - Biatah Bidayuh bible

JOB 12

¹Sawŭ, kuu inŭh sirŭŭn daya bagŭ. Kan kuu kabŭs, pinyibijak re kabŭs gŭh tunda kuu.

³Pak aku mirati gŭh kayuh mun kuu; aku dŭh kurang so kuu; barang naan daya puan sopŭrŭg kayuh adi kuu muko nang.

⁴Ndŭg ka bara jerā ku tawŭh aku madin; ngara tawŭh, sunggu aku tŭnggŭn ka dŭh biyŭn sarah; pak agi tika adi ngga Tapa mbŭh nam dua ku.

⁵Kuu dŭh biyŭn pinyusah, pak kuu napat aku; kuu mukong daya adi aŭn re rabu.

⁶Pak pinaku ngga daya adi arap udip dŭh dog mito, sunggu tapa ngara inŭh pinyibake adŭp ngara.

⁷Manuk ngga dudu dāng adi bŭkŭn sirabi ka biyŭn bagŭ kayuh adi bisa ngara ngajar di kuu;

⁸siken kayuh adi udip di tana ngga di rawŭt pinyibijak ngara.

⁹Sopŭrŭg ngara puan nang tangan TUHAN adi ndai ngara.

¹⁰Tapa inŭh adi ngatur pimudip sopŭrŭg kayuh adi-I napa; asŭng barang naan manusia inŭh darŭm tangan-I.

¹¹Pak mun jura mu gagā kija sap pinguman, simŭnŭ gŭh kajit mu gagā dingah bang piminyu.

¹²Daya adi minyamba biyŭn pinyibijak, pak Tapa biyŭn pinyibijak ngga kuasa. Daya adi minyamba biyŭn pinyipitar; Tapa biyŭn pinyipitar ngga kuasa ngga-I ndai kayuh adi raan-I.

¹⁴Kan Tapa nyirubuh, asi dapŭd pari pijog, ka asi dapŭd pirupas daya adi Tapa kurung?

¹⁵Raga mandŭg kan Tapa bitan ujen; uba mandŭg kan Ayŭh pirupas piin.

¹⁶Tapa inŭh bake ka ari manang; pinipu ngga daya adi dog nipu, soduwŭh ngara inŭh darŭm kuasa-I.

¹⁷Ayŭh tambit pinyibijak bara pimritah ka bada bara pinguru mun daya budo.

¹⁸Ayŭh bisor raja raja ka bada ngara jadi daya-takap;

¹⁹Ayŭh pirapat bara imam ngga bara daya adi bikuasa.

²⁰Ayŭh bada pajam ngara adi dog sabah, ka tambit pinyibijak so daya adi minyamba.

²¹Ayŭh pimangŭh ngara adi bikuasa ka bada mungan pinyibake bara pimritah.

²²Ayŭh kadi karŭm so tarun yŭn daya adi mbŭh kabŭs, ka bada tarun adi siabo karŭm jawa.

²³Ayŭh bada bangsa bake ka bās, pak komŭnŭ Ayŭh ngarah ka pirabur ngara.

²⁴Ayŭh bada bara pinguru ngara budo ka bada ngara bigandon dŭh puan kamaki pinijū ngara;

²⁵ngara kāp tarun darŭm karŭm ka tibabeu mun daya mabuk wain.