Read Biatah Bidayuh JOB 17 Bible Online

JOB 17 - Biatah Bidayuh bible

JOB 17

¹Pimungan udip ku mbŭh sindŭk. Aku mbŭh dŭh bake ngasŭng; ani dinge yŭn ku adŭ-i kubur.

²Sopŭrŭg daya nyirimbe aku.

³Aku ati jujur, Tapa. Sabah nŭh aku. Mating daya bŭkŭn re batu pinganang ku.

⁴Kaam tŭŭp pikir dingan ku ka ngara mbŭh dŭh dapŭd bipikir; dŭhnyah tandah aku dog ngarah ngara.

⁵Pitas amba nang daya jua dingan-i amai an dapŭd duit, pak bara anak-i adi re sangsara.[32]

⁶Ka madin daya pakai pitas anŭ ngga rawan aku; ngara mandŭg ka nyiruja jawin ku.

⁷Pinyusah ku dŭm tadŭ re bada aku karak; kaja ngga tangan ku mbŭh ride mun singangi.

⁸Ngara adi nang adŭp-i jujur mbŭh gŭgŭh, ka sopŭrŭg ngara nang aku daya adi dŭh sabah di Tapa.

⁹Ngara adi nang adŭp-i daya adi dog stabi mbŭh tanŭ ka agi aran-i nang adŭp-i batur.

¹⁰Pak kambŭi ngara tungang mandŭg ka mijog di sirung jawin ku, aku dŭh re tungang dapŭd piji ka ndi naan so ngara adi bijak.

¹¹Tipuh ku mbŭh ripuan; pusar ku yŭn kayuh adi aku an ndai mbŭh dŭh jadi; pingarap ku mbŭh mating.

¹²Pak bara jerā ku nang singarŭm inŭh sandu; ngara nang jawa sandu mbŭh sindŭk, pak aku puan aku gibabŭ darŭm karŭm.

¹³Kayuh adi aku harap kaŭs-i ong daya adi mbŭh kabŭs, di yŭn aku re guring darŭm karŭm.

¹⁴Aku re kadŭn kubur sama ku, ka dudu ŭrŭd adi man aku aku re kadŭn sindŭ ka bara jurud dayung ku.

¹⁵Diki pingarap yŭn ku? Agi kah daya kiris-i?

¹⁶Aku dŭh biyŭn pingarap tia[33] kan aku di mūn ka ong daya adi mbŭh kabŭs.