Read Biatah Bidayuh JOB 18 Bible Online

JOB 18 - Biatah Bidayuh bible

JOB 18

¹Job, dapŭd kah daya di mun kuu pirŭŭ adŭp mu? Kambŭi kuu ko minyu, kieh an minyu ngga kuu.

³Ani anŭ adi bada kuu pikir kieh ati budo mun sapi?

⁴Baji mu anŭ kaŭs-i kandam kuu. Bisa kah ong dog tagan sitagar baji mu? Bisa kah Tapa ngana darŭd ngga pimunos asŭng mu?

⁵ Pimudip daya ginaka adi keya ka jawa prita, re dog mura; apui-i re dŭh tia sakŭt.

⁶Ngara re keya ka bari adi mbŭh pura prita-i.

⁷Sakong ngara tagap, pak madin ngara re sikak; akar adŭp ngara re pirabu ngara.

⁸Ngara panu ka darŭm jaring, ka kaja ngara rakat;

⁹tiga ngara rakat di jarat ka ngara mbŭh dog mirakap.

¹⁰Taris jarat dog sukan di tana; jarat muko dog tŭŭn di aran ngara.

¹¹Kayuh adi pitaru kirurung ngara; ka-i tunda ngara di barang sakong ngara.

¹²Dawŭ-i ngara kaya, pak madin ngara sibŭrŭk; pinyirusag mijog kajŭn sindŭk ngara.

¹³Andam adi bisā ngukap di pŭrŭng ganan ngara ka bada kaja ngga tangan ngara madam.

¹⁴Ngara dog tarik so bari di yŭn ngara rŭŭ siramat, ka dog batak bada situra jawin ngga Raja Pinyikabŭs.

¹⁵Madin daya bisa rŭŭ darŭm bari ngara, ripas mirirang muko pibisig ngara![34]

¹⁶Uat ngga daan ngara mbŭh rayu ka badŭh.

¹⁷Ngara mbŭh dŭh tia timagah di barang yŭn; mating daya tia ingat ngara.

¹⁸Ngara re dog pibu so tarun tana daya adi udip, dog pibu so jawa ka darŭm karŭm.

¹⁹Ngara dŭh biyŭn sesang, mating adi babŭ udip adi re ngakat dŭn ngara.

²⁰So timor ndŭg barat, sopŭrŭg adi dingah nasip ngara gŭgŭh ka kimŭtŭr taru.

²¹Anŭ inŭh nasip daya di ginaka, nasip daya adi dŭh piduri Tapa.