Read Biatah Bidayuh JOB 19 Bible Online

JOB 19 - Biatah Bidayuh bible

JOB 19

¹Mani angān dŭh ko ko pijera aku ngga pinganang ngan?

³Pari pari angān pimangŭh aku buang dŭh puan mangŭh angān nyarah aku.

⁴Sunggu aku ndai sarah bait kani, sarah ku anŭ dŭh re ndai har di angān.

⁵Angān pikir angān kana dŭ so aku, ka nyirundeng pinyusah ku mbŭh tandā aku sawŭ sarah.

⁶Dŭh kah angān puan Tapa inŭh adi nyarah aku? Ayŭh mbŭh tŭŭn jarat ngga nakap aku.

⁷Aku matah pingandai ganas-I, pak mating daya dingah; mating daya dingah sien ku mite turung.

⁸Tapa mbŭh nabat aran, ka aku dŭh dapŭd ruah; Ayŭh mbŭh sukan aran ku darŭm karŭm.

⁹Ayŭh mbŭh tambit sopŭrŭg pinyikaya ku ka pirusak dŭn kana ku.

¹⁰Ayŭh mukong aku so barang parad. Ayŭh dimbut pingarap ku ka tingge aku bada rayu ka kabŭs.

¹¹Tapa baji ka magā di aku; Ayŭh ndai di aku keya ka aku ati pinganyu-I.

¹²Ayŭh pait bara tibaran soldadu-I bada nyerang aku; ngara kareh rubang yŭn kirurung ka nyikapung bari ku.

¹³Tapa mbŭh bada rawang ku tagan aku; aku daya saruh di ngara adi puan aku;

¹⁴bara madis ku ngga jerā ku mbŭh mating.

¹⁵Ngara adi muko jadi pingabang di ramin ku mbŭh kambŭt aku; daya daya-gaji ku adi dayung ndai aku keya ka daya saruh ka daya tami.

¹⁶Kan aku bagan daya-gaji ku, ayŭh dŭh nam ndŭg ka di tika aku mite turung so ayŭh.

¹⁷Sawŭn ku dŭh tan kadŭk buuh asŭng ku, ka jurud jurud adŭp ku dŭh an nyindŭk aku.

¹⁸Anak-anya ngamun aku ka tawŭh kan ngara kiris aku.

¹⁹Bara jerā ku sidōt di aku; ngara adi aku siabo rindu mbŭh tingge aku.

²⁰Kurit ku bikideng di turang ku; aku mbŭh sindŭk re kabŭs.[35]

²¹Angān inŭh jerā ku! Masi di aku! Tangan Tapa mbŭh mukong aku.

²²Mani angān tunda Tapa kisiis aku? Gibayuh kah sadang angān pijera aku?

²³Kasi ka daya agi ingat pinganang ku ka nuris-i darŭm surat!

²⁴Puan kah mŭŭt pinganang ku di batuh ka nuris-i isa-i tan adu adu.[36]

²⁵Pak aku puan di shorga agi Pinyikudip ku; adi re mandŭg di turung aku.

²⁶Sunggu kurit ku abo dog man andam, darŭm aku gibabŭ darŭm pŭrŭng[37] ati aku re kiris Tapa.[38]

²⁷Aku re kiris Ayŭh ngga batŭh adŭp ku, ka Ayŭh dŭh re keya ka daya saruh di aku. Aku jimŭ amai angān nang,

²⁸“Simuki ata pijera ayŭh?” Angān jiroh aran ngga nyerang aku.

²⁹Pak madin, taru meh pedang. Pedang anŭ re taban baji Tapa ka tunduh dosa, isa angān puan agi ndi Naan adi nggen bisara.[39]