Read Biatah Bidayuh JOB 20 Bible Online

JOB 20 - Biatah Bidayuh bible

JOB 20

¹Job, kuu kinuas aku. Mbŭh dŭh aku sabar re dŭh nam.

³Pinganang mu nggen mangŭh, pak aku bisa nam kuu.

⁴Tatu kuu mbŭh puan so jaman jah, di tika manusia sibungas-i dog na di ong,

⁵mating daya ginaka re adu adu sanang.

⁶Ngara bisa jadi bās, bigatung ndŭg rangit, raru bās ndŭg ka ubak ngara ndŭg abun,

⁷pak ngara re dog poh mun dabu. Ngara adi mbŭh puan ngara re bipikir kamaki ngara di.

⁸Ngara re miyap mun pŭmŭh, mun kayuh adi dog kiris singarŭm, ka dŭh re tia dog kiris.

⁹Daya ginaka re miyap so tarun yŭn ngara rŭŭ;

¹⁰ka bara anak ngara re gati kayuh adi ngara naku so daya sirata.

¹¹Andu ngara gi-mara pŭrŭng ganan ngara pidanah buang tagap bake, pak dŭm dŭh tui ngara re jadi dabu tana.

¹²Udip ginaka sidi di ngara ngara ngŭnggŭm kada-i ka nyisŭp sidi-i.

¹⁴Pak darŭm tain pinguman anŭ marui pa'it, keya ka rasun adi bisa bada daya kabŭs.

¹⁵Daya ginaka nguta pinyikaya adi ngara naku; Tapa tambit-i, samŭn anŭ adi darŭm tain ngara.

¹⁶Kayuh adi dog tŭrŭn daya adi arap inŭh keya ka rasun; kayuh anŭ siŭ ngara mun singŭt jippŭh.

¹⁷Ngara re dŭh kinyam buwa anggor adi raru bagŭ[40] puan kah sisuh ngga ju banyis adi raru bagŭ.

¹⁸Ngara re tingge sopŭrŭg adi mandŭg so turang udas ngara; ngara dŭh re biyŭn pluang kinyam pinyikaya ngara,

¹⁹sabab ngara kinanyuh buang dŭh piduri daya adi sirata ka sirapas ramin adi daya bŭkŭn pijog.

²⁰Ngara raan kayuh rabis so anŭ adi ngara mbŭh dapŭd.

²¹Kan ngara man, mating adŭ tadŭh-i, pak madin pimudip mujur ngara mungan.

²²Di tika ngara mujur pinyusah ngga sangsara re nyatŭk ngara.

²³Isa-i ngara man sopŭrŭg adi ngara raan! Tapa re ngukum ngara darŭm bangok ngga baji-I.

²⁴Kan ngara suba pirupas adŭp ngara so pedang basi, bawŭh panah timaga re kudog ngara.

²⁵Reja-panah miratos pŭrŭng ngara; tukuk reja-panah re bititeg ngga deya, ka atin ngara re puno ngga taru.

²⁶Sopŭrŭg kayuh adi ngara nguruk dog pirabur; apui adi dŭh manusia tung man ngara samŭn sopŭrŭg rawang ngara.

²⁷Rangit kiren dosa ngara, ka ong nggen taksi rawan ngara.

²⁸Sopŭrŭg pinyikaya ngara re dog pirabur darŭm uba baji Tapa.

²⁹Anŭ inŭh nasip daya adi ginaka, nasip adi Tapa nitah yŭn ngara.