Read Biatah Bidayuh JOB 22 Bible Online

JOB 22 - Biatah Bidayuh bible

JOB 22

¹ Agi kah daya, samŭn adi siabo bijak, biguna yŭn Tapa?

³Ani kana-i pingandai kana mu di Tapa? Agi kah pimudip tŭnggŭn mu nggen utung di Ayŭh?

⁴Dŭh sabab kuu taru ka stabi di Ayŭh Tapa mbŭh nyarah kuu ka bada kuu dog bisara;

⁵pak sabab kuu mbŭh raru bidosa, ka sabab sopŭrŭg sarah adi kuu mbŭh ndai.

⁶Ngga bada jurud mu gati duit adi ayŭh ngutang so kuu, kuu sirapas piraka-i ka tandah ayŭh sitagor.

⁷Kuu abah nggen piin di ngara adi badŭh asŭng, ka abah paan ngara adi sibŭrŭk.

⁸Kuu pakai kuasa ngga pangkat mu ngga sirabut ndi tarun tana.

⁹Dŭh-i kuu abah turung dayung uban adŭ, pak kuu mbŭh mirupak ka pijera anak tumang ani.

¹⁰Jadi madin rubang jarat mbŭh kirurung kuu, ka gŭgŭh kuu re kinyam adŭp mu raru taru.

¹¹Jawa mbŭh jadi karŭm ka kuu re dŭh kiris tarun, ka uba re ngapuh kuu.

¹²Dŭh kah Tapa rŭŭ di siabo bigatung shorga ka tingga dudu bitang di sagān, sunggu sopŭrŭg bitang mbŭh bigatung?

¹³Pak kuu siken, “Tapa puan kah? Ayŭh dog sukan abun ka simuki re dapŭd tingga arap kana ta?”

¹⁴Kuu pikir abun tabar matŭn piningga-I, darŭm Ayŭh panu di tunduh sakŭb rangit.

¹⁵Kuu mbŭh natu adŭp mu an kadŭg aran adi daya arap ari kadŭg kah?

¹⁶Diŭ so tika ngara mandŭg, ngara mbŭh dog taban uba ngga bu.

¹⁷Ngara inŭh tibaran adi tirawan Tapa adi dŭh sabah Tapa dapŭd turung ngara.

¹⁸Pak babŭ Tapa gŭh adi bada ngara mujur. Aku dŭh mirati pikir-kira daya ginaka.

¹⁹Daya adi kana gaŭn ka daya adi dŭh sarah tawŭh kan ngara kiris daya ginaka dog ukum.

²⁰Sopŭrŭg kayuh adi daya ginaka dapu dog pirabur, ka apui man tadŭ tadŭ-i adi dŭm.

²¹Madin, Job, bidamai meh ngga Tapa ka dŭh tia bada Ayŭh jadi keya ka pinganyu mu; kambŭi kuu dŭh tia, Ayŭh re nyiberkat kuu.

²²Trima ajar adi-I nggen di kuu; nyikŭn pinganang-I darŭm atin mu.

²³Sawŭ, kuu dŭh siŭn dŭh pirapat adŭp mu[41] pari ka Tapa ka pirŭŭ sopŭrŭg kayuh arap adi dog ndai di ramin mu.

²⁴Taran mas mu; buan mas mu adi siabo brega ka rasan sungi adi mbŭh badŭh.

²⁵Bada Tapa Bisa-pŭrŭg jadi mas mu, ka bada Ayŭh jadi pirak, dog nugung yŭn mu.

²⁶Komŭnŭ kuu re ari sabah di Tapa ka dapŭd Ayŭh atak pinyigaŭn mu.

²⁷Kan kuu bidua, Ayŭh re nam kuu, ka kuu re sita payu adi kuu mbŭh ndai.

²⁸Kuu re mujur darŭm sopŭrŭg kayuh adi kuu ndai, ka jawa re nyekar di aran mu.

²⁹Tapa bisor daya adi miruap[42] ka nyiramat daya adi pirapat adŭp-i.

³⁰Ayŭh re nyiramat kuu kambŭi kuu dŭh sarah,[43] kambŭi kuu ndai pinyiraan-I.[44]