Read Biatah Bidayuh JOB 24 Bible Online

JOB 24 - Biatah Bidayuh bible

JOB 24

¹Mani Tapa dŭh miratak andu ngga nggen bisara, isa daya adi natŭng Ayŭh kiris pinyitŭnggŭn?

²Daya ngana batuh baat amai an dapŭd rabis tana; ngara naku biri biri ka kurung-i ngga kaban biri adŭp-i.

³Ngara tambit kaldi kaldi adi anak tumang dapu, ka tambit dari sapi dayung uban ndu jamen utang-i.

⁴Ngara nagah daya sirata dapŭd hak ngara ka daya adi dŭh biyŭn ani ani an dŭh an bu di bisukan.

⁵Jadi daya sirata, mun kaldi tarun, jiroh pinguman di tarun tana-pajam; diginŭ adŭ ngara dapŭd pinguman yŭn bara anak ngara.

⁶Ngara an dŭh an ngatŭm di ŭmŭh adi ngara dŭh dapu,[46] ka sun buwa anggor di teya anggor daya ginaka.

⁷Singarŭm ngara bŭŭs dŭh biyŭn putong, mating kayuh ngga bada ganan ngara paras.

⁸Ngara bisa murō bada ujen di darŭd ka ngara bijapit ngga dingan-i di apad ngga nyindung adŭp-i.

⁹Daya arap piurun anak anak daya adi dŭh biyŭn sama ka tambit anak anak daya sirata ngga bayar utang.

¹⁰Pak daya sirata dŭh siŭn dŭh ruah dŭh nēn piraka; ngara sibŭrŭk di tika ngatŭm gandom.

¹¹Ngara mŭ kanā yŭn dapŭd inyo, ka mŭ buwa anggor yŭn dapŭd wain, pak adŭp ngara badŭh asŭng.

¹²Darŭm kupo dapŭd dog dingah sidaing ngara adi biragan ngga adi mbŭh sindŭk re kabŭs, pak Tapa nyibireu dua ngara.

¹³Agi daya adi tirawan jawa; ngara dŭh natŭng-i ka dŭh tunda aran-i.

¹⁴Ngga siri jawa pinyiŭ makat ka matak di siŭ daya sirata, ka singarŭm ayŭh naku.

¹⁵Pinanggah kajŭn andu karŭm; ayŭh nutu jawin-i isa daya dŭh natŭng adŭp-i.

¹⁶Singarŭm pinaku mŭrŭt ramin daya, pak sandu ngara bisukan ka pijo adŭp ngara so jawa.

¹⁷Ngara taru jawa sandu, pak pinyikarŭm mating taru ngara dieh.

¹⁸[47]Daya ginaka dog taban uba ngga bu, ka tana adi yŭn ngara rŭŭ dog mangu Tapa; ngara dŭh tia matak di nyiraja di teya anggor ngara.

¹⁹Nimun salju miyap bada paras ngga raga, simŭnŭ inŭh daya bidosa miyap dog tŭrŭn ong daya adi mbŭh kabŭs.

²⁰Sindŭ ngara dŭh gŭh ingat ngara madin; ngara dog man ŭrŭd ka dog pirabur mun tŭngŭn kayuh adi tumbang.

²¹Ayŭh jadi simŭnŭ sabab ngara kinanyuh dayung uban ka dŭh masi di dayung adi aboh.

²²Tapa, ngga pinyibake-I, nyirubuh ngara adi bikuasa; Tapa ndai kraja-I, ka daya ginaka kabŭs.

²³Tapa tandah ngara udip siramat, pak adu adu nyibatŭh ngara.

²⁴Nyitiro adŭ daya ginaka mujur, muko anŭ ngara rayu mun uduh, mun tundun gandom adi muko dog kutas.

²⁵Dapŭd kah daya miman kayuh anŭ? Dapŭd kah daya kiren munki pinganang ku ati dŭh sawŭ?