Read Biatah Bidayuh JOB 35 Bible Online

JOB 35 - Biatah Bidayuh bible

JOB 35

¹Dŭh-i batur, Job, kuu nang adŭp mu dŭh sarah di batŭh Tapa,

³puan kah siken Tapa, “Munki dosa ku nyatŭk Kaam? Ani mbŭh aku dapŭd so dŭh ndai dosa?”

⁴Aku re nam kuu samŭn bara jerā mu.

⁵Nyigura ka rangit! Tingga munki masam bigatung-i abun!

⁶ Kambŭi kuu bidosa, anŭ dŭh re bada Tapa kinaman. Kambŭi kuu ari ndai sarah, ani anŭ di Ayŭh?

⁷Kuu turung Tapa darŭm kuu tŭnggŭn kah? Mating kayuh adi Tapa biguna so kuu.

⁸Daya bŭkŭn sangsara amai dosa mu, ka pingandai kana mu turung ngara.

⁹Kan daya dog kinanyuh, ngara nyidaing; ngara bagan mite daya nyiramat ngara.

¹⁰Pak ngara dŭh pari ka Tapa, adi Pinapa ngara, adi nggen di ngara pingarap di tika ngara susah.

¹¹Ngara dŭh pari ka Tapa, adi bada ata bijak, rabis bijak so tadŭ tadŭ dāng bait manuk.

¹²Ngara bagan mite turung, pak Tapa dŭh nam, amai ngara sambuh ka arap.

¹³Dŭh-i biguna ngara bandar bagan; Tapa Bisa-pŭrŭg dŭh kiris bait dingah ngara.

¹⁴Job, kuu nang adŭp mu dŭh kiris Tapa; pak kajŭn ngga sabar -- har mu mbŭh di jawin-I.

¹⁵Kuu pikir Tapa dŭh ngukum, ka dŭh mbit bat di dosa.

¹⁶Dŭh-i biguna kuu adu adu minyu; mbŭh tatŭng kuu dŭh mirati pinganang adŭp mu.