Read Biatah Bidayuh JOB 40 Bible Online

JOB 40 - Biatah Bidayuh bible

JOB 40

¹Job, kuu ngamun Tapa Bisa-pŭrŭg; kuu re ngarah adŭp mu kah madin, puan kah re nam?

³Aku mbŭh minyu mun daya budo, TUHAN. Simuki meh aku re nam? Aku dŭh re suba nang kayuh bŭkŭn.

⁵Aku mbŭh nyabŭt kayuh rabis so patut.

⁶Komŭnŭ so sabak ribut, TUHAN minyu di Job dinge.

⁷Sidia adŭp mu situra jawin ngga Aku madin, ka nam pinyiken Ku.

⁸Kuu suba an kiren Aku ati dŭh tŭnggŭn kah -- nang Aku sarah ka adŭp mu batur?

⁹Kuu bake mun Aku kah? Dapŭd sirŭŭn mu bidudū mun jaku?

¹⁰Kambŭi dapŭd, mijog garang ka mingangŭn; kibarui adŭp mu ngga kuasa ka bragah.

¹¹Tingga ngara adi gambung; baji meh ka pirapat ngara.

¹²Sawŭ, tingga ngara ka bisor ngara; pirandŭk daya ginaka di yŭn ngara mijog.

¹³Kubur sopŭrŭg ngara di tana; kurung ngara darŭm ong daya adi mbŭh kabŭs.

¹⁴Komŭnŭ Aku adi re diŭ muji kuu amai kuu manang so kuasa adŭp mu sadi.

¹⁵Tingga dāng-bās Behemoth;[71] Aku napa-i ka Aku napa kuu. Ayŭh man kupai mun sapi,

¹⁶pak ani pinyibake di pŭrŭng-i, ka ani kuasa di isin-i!

¹⁷Koi-i mijog mun tŭngŭn sedar, ka isin adi di kaja-i bake.

¹⁸Turang-i bake mun timaga, ka kaja-i mun betang basi.

¹⁹Anŭ inŭh dāng adi siabo bake! kaŭs Pinapa-i adi dapŭd ngarah ayŭh.

²⁰Kupai adi ngga paan-i timbu di sandah adi yŭn dāng ganas birubi.[72]

²¹Ayŭh guring di ribo randa reja, ka bisukan di karu tŭngŭn reed di padak.

²²Randa reja ngga tŭngŭn tŭngŭn poplar adi di bŭngŭn sungi grindung ayŭh ngga sayung-i.

²³Ayŭh dŭh taru piin Yang Jordan adi daras; ayŭh dŭh mani mani kan piin Jordan nimba jawin-i.

²⁴Asi dapŭd bada ayŭh karak ka nakap ayŭh? Puan kah dapŭd nakap tukuk-i ngga jarat?