Read Biatah Bidayuh JOB 42 Bible Online

JOB 42 - Biatah Bidayuh bible

JOB 42

¹Komŭnŭ Job nam TUHAN.

²Aku puan, TUHAN, Kaam inŭh adi dapŭd ndai sopŭrŭg kayuh; ani ani kayuh adi Kaam raan ndai dŭh dapŭd dog kinarang.

³ Kaam siken mani aku pagan suba pinyibijak Mai darŭm aku dŭh adŭ puan tarun. Aku minyu pasar kayuh adi aku dŭh mirati, pasar kayuh saruh adi dŭh aku puan.

⁴ Kaam bada aku dingah kan Kaam minyu ka suba nam pinyiken Mai.

⁵Dawŭ-i kaŭs aku puan kayuh adi daya kidaan di aku, pak madin aku mbŭh kiris Kaam ngga batŭh adŭp ku.

⁶Ngapŭi aku mangŭh ngarun sopŭrŭg kayuh adi aku mbŭh nang ka ngga atin nyesar aku ngabu dabu ngga apŭk di adŭp ku.

⁷Ripas TUHAN muko minyu di Job, ayŭh nang di Eliphaz, “Kayuh adi urun Ku Job mbŭh nang pasar Aku inŭh sawŭ, pak Aku baji di kuu ngga di bara jerā mu amai dŭh nang kayuh adi sawŭ pasar Aku.

⁸Madin taban ju dari sapi ngga ju dari biri ka yŭn Job ka jugan-i ndu sadis yŭn adŭp ngan. Job re bidua yŭn ngan, ka Aku re nam dua-i ka dŭh re pimangŭh angān, sunggu angān dŭh nang kayuh adi sawŭ pasar Aku, mun Job.”

⁹Eliphaz, Bildad, ka Zophar ndai nimun TUHAN mbŭh kidaan di ngara, ka TUHAN nam dua Job.

¹⁰ Komŭnŭ, ripas Job muko bidua yŭn jerā-i adi taruh naan, TUHAN bada ayŭh pari mujur darŭm pimudip-i ka nggen di ayŭh duwŭh rupet kayuh adi ayŭh ko biyŭn dawŭ-i.

¹¹Sopŭrŭg jurud Job adi dari ngga adi dayung ka bara jerā-i adi dawŭ-i mandŭg ka yŭn-i ka biruman ngga ayŭh di ramin. Ngara nyaduh ayŭh amai sopŭrŭg pinyusah adi mbŭh nyatŭk ayŭh. Barang naan ngara nggen duit ngga sisin mas di ayŭh.

¹²TUHAN nyiberkat pimudip Job adi madin rabis so pimudip-i adi mbŭh sibayuh ayŭh dog nyatŭk pinyusah. Job biyŭn 14,000 pŭrŭng biri, 6,000 onta, 2,000 pŭrŭng sapi, ka 1,000 kaldi.

¹³Ayŭh, sama yŭn ju madis anak dari ka taruh madis anak dayung.

¹⁴Ayŭh kadŭn anak pinuai dayung-i Jemimah, adi numbor duwŭh Keziah, ka adi mara dŭ Keren Happuch.[79]

¹⁵Mating dayung bŭkŭn di ndi ong ong adi ramus mun anak anak dayung Job. Sama ngara nggen di ngara ngga di anak anak dari-i buat-rata.

¹⁶Job udip 140 sawa ripas anŭ, sukup tui ndŭg ka dapŭd kiris bara sukuh samŭn bara sukuh sit-i.

¹⁷Ka komŭnŭ ayŭh kabŭs kan ayŭh mbŭh raru minyamba.