Read Biatah Bidayuh JOB 9 Bible Online

JOB 9 - Biatah Bidayuh bible

JOB 9

¹ Sawŭ, aku mbŭh dingah sopŭrŭg anŭ dawŭ-i. Pak munki manusia re tungang manang di har-i rawan Tapa?

³Simuki manusia re bikarit ngga Ayŭh? Ayŭh bisa siken siribu pinyiken adi mating daya tungang nam.[17]

⁴Tapa inŭh raru bijak ka bikuasa; mating daya tungang rawan Ayŭh.

⁵Ngga gŭgŭh-i Ayŭh sigen darŭd ka ngga baji-I Ayŭh pirabur-i.

⁶Tapa adi bada tana bigugoh ka adi bada tana bigŭgŭs; Ayŭh ngagar tiang tiang adi yŭn ong bisangan.

⁷Ayŭh bitan batŭh andu nusak, ka bitan bitang bitang nyekar singarŭm.

⁸Mating daya turung Tapa ndai rangit bait bidigang di punok dāng-bās rawŭt.[18]

⁹Tapa kideng bitang bitang di rangit; Bitang Sikara, Bitang Pite Piranuk, ka bitang bitang di Siratan.

¹⁰Ata dŭh dapŭd mirati pingandai bās-I, ka pingandai nginga-I mbŭh rabis so tungang ata kira.

¹¹Tapa murah jawin ku, pak aku dŭh kiris Ayŭh.

¹²Ayŭh tambit kayuh adi raan-I, ka mating daya dapŭd bitan Ayŭh; mating daya birani siken, “Ani ndai Mai?”

¹³Baji Tapa dŭh tigŭngŭng. Ayŭh pirandŭk bara pinganyu-I adi turung Rahab,[19] adi dāng-bās rawŭt anŭ, matah Ayŭh.

¹⁴Jadi sakaki meh aku re matah Tapa?

¹⁵Sunggu aku dŭh sarah, anŭ adi tungang aku ndai kaŭs-i mite masi so Tapa adi arang ku.

¹⁶Pak sunggu mŭnŭ, kambŭi Ayŭh nyibandar aku minyu, aku dŭh sabah Ayŭh re nyiringa aku.

¹⁷Ayŭh bada sabak ribut mŭmŭs aku ngga mating pada-i.

¹⁸Ayŭh dŭh bada aku tarik asŭng ku; pak Ayŭh mbŭh ngisi pimudip ku ngga pinyusah.

¹⁹Kambŭi jeja ka pinyibake, Tapa inŭh adi bake dŭ? Kambŭi jeja ka bisara, asi tungang rawan Ayŭh?[20]

²⁰Aku dŭh sarah ka aku tŭtŭd, pak pinganang ku sak pinganang daya adi sarah, ka sopŭrŭg kayuh nang ku sak adi nyarah aku.

²¹Aku dŭh sarah, pak aku dŭh tia piduri. Aku mbŭh reju udip. Mating kayuh adi biguna tia; sarah bait dŭh sarah, Tapa taŭn re pirabur ata.

²³Kan daya adi dŭh sarah gŭgŭh kabŭs, Tapa tawŭh.

²⁴Tapa nggen ong di daya adi ginaka. Ayŭh bada sopŭrŭg akim karak. Ka kambŭi dŭh Tapa, asi meh?

²⁵Andu darŭm pimudip ku raru rikas bigati, pak bŭn adŭ kayuh kana dog aku.

²⁶Pimudip ku dŭh tui re mungan, raju mun beuh mūn nyambar nakap dangah-i.

²⁷Kambŭi aku sanyum, aku suba kambŭt sarang andam ku; sopŭrŭg pinyusah ku pari ka aku ka pitaru aku; aku puan Tapa nyarah aku.

²⁹Amai aku mbŭh dog nyarah, re ngga mani aku piduri tia?

³⁰Mating sabun dapŭd ngu dosa ku.

³¹Tapa taran aku ka darŭm rubang adi puno ngga kayuh kais, ndŭg ka piraka ku mangŭh ngarun aku.

³²Kambŭi Tapa manusia, aku bisa nam Ayŭh; kieh bisa di ka tarun yŭn bisara di ngatur kaii ami.

³³Pak mating daya adi bisa jadi daya asah yŭn kieh duwŭh, mating daya adi tukang dingah kieh bikarit ka tingga asi so kieh duwŭh adi sarah.

³⁴Dŭh tia ngukum aku, Tapa! dŭh tia pitaru aku!

³⁵Aku dŭh taru Ayŭh. Aku re minyu sabab aku puan atin adŭp ku.