Read Biatah Bidayuh MAZMUR 101 Bible Online

MAZMUR 101 - Biatah Bidayuh bible

MAZMUR 101

¹[170] Ragu ku inŭh pasar pinyitŭtŭd ngga pinyitŭnggŭn, ka aku nang-i yŭn Kaam, O TUHAN.

²Urah rakah ku dŭh re sarah. Sinde Kaam re mandŭg ka yŭn ku? Aku re udip bisig di ramin ku,

³ka dŭh re nurut arap. Aku tiru urah ngara adi bu so Tapa; Aku dŭh re bigaur ngga ngara.

⁴Aku dŭh re dŭh jujur,[171] ka dŭh re ndai ani ani kayuh arap.[172]

⁵Aku re pirŭŭ ngara adi sigayas kayuh arap pasar daya bŭkŭn; aku dŭh re tandah daya adi sambuh ka miruap.

⁶Aku re nyibandar daya adi tŭtŭd di Tapa ka re bada ngara rŭŭ di istana ku. Ngara adi sukup jujur re dog nyibandar ngidang aku.

⁷Daya pingakar dŭh siŭn rŭŭ di istana ku; daya pingadong dŭh siŭn babŭ di sirung jawin ku.

⁸Barang andu aku re pirabur daya ginaka di tarun tana ta; aku re pibu sopŭrŭg daya adi arap so kupo TUHAN.