Read Biatah Bidayuh MAZMUR 11 Bible Online

MAZMUR 11 - Biatah Bidayuh bible

MAZMUR 11

¹[13] Aku sabah di TUHAN yŭn pinyigrindung. Munki masam budo-i kuu nang di aku, “Mikabur mun manuk di ka darŭd,

²sabab daya ginaka mbŭh tarik bawŭh ka nŭtŭn reja-panah ngara an nimbak daya kana so singangi kayuh.

³Mating kayuh adi daya kana bisa ndai kan atur ngga ukum-adat mbŭh rubuh.”

⁴TUHAN inŭh di ramin kudus-I; Ayŭh biyŭn takta-I di shorga. Ayŭh nyibatŭh daya di barang yŭn-i ka puan kayuh adi ndai ngara.

⁵Ayŭh piruh sopŭrŭg daya, adi kana ngga adi ginaka; daya gaok adi rindu pinyiganas Ayŭh tiru ngga siabo atin-I.

⁶Ayŭh buan bam apui[14] ka apui mirirang di tunduh daya adi ginaka; Ayŭh ngukum ngara ngga sabak paras.

⁷TUHAN inŭh tŭnggŭn ka rindu pingandai kana; ngara adi ndai simŭnŭ re rŭŭ di sirung jawin-I.