Read Biatah Bidayuh MAZMUR 114 Bible Online

MAZMUR 114 - Biatah Bidayuh bible

MAZMUR 114

¹ Kan daya Israel bu so Egypt, kan sesang Jacob bu so tarun tana tami anŭ,

²Judah jadi daya TUHAN adi kudus, ka Israel jadi tung jangi.

³ Rawŭt Bireh tingga ka bikaduh bu; Yang Jordan ko aman.

⁴Darŭd mirajok mun kambing; sandah mirupat mun biri.

⁵Ani mbŭh jadi, Rawŭt, ngga bada kuu bikaduh bu? Ka kuu, O Yang Jordan, mani kuu ko aman?

⁶Kuu darŭd, mani kuu mirajok mun kambing? Kuu sandah, mani kuu mirupat mun biri?

⁷Bigagar meh, tana, kan TUHAN mandŭg, di sirung jawin Tapa Jacob,

⁸ adi nukar batuh batuh bada jadi pagong ka sandah batuh mbŭh so piin aman.