Read Biatah Bidayuh MAZMUR 115 Bible Online

MAZMUR 115 - Biatah Bidayuh bible

MAZMUR 115

¹Di Kaam sadi, O TUHAN, di Kaam sadi, ka dŭh di kieh, bragah dŭh siŭn dŭh dog nggen sabab pinyirindu Mai adi dŭh bisa birubah ngga sabab pinyitŭtŭd Mai.

²Ngga mani bangsa bangsa siken kieh, “Diki Tapa ngan?”

³Tapa ami agi di shorga; Ayŭh ndai tadŭ tadŭ kayuh nanyam pinyiraan adŭp-I.

⁴ Tapa tapa ngara dog ndai so pirak ngga mas, dog ndai so tangan manusia.

⁵Tapa ngara biyŭn baba, pak dŭh bisa minyu, biyŭn batŭh, pak dŭh dapŭd kiris.

⁶Tapa ngara biyŭn kajit, pak dŭh dapŭd dingah, biyŭn undung, pak dŭh tungang kadŭk.

⁷Tapa ngara biyŭn tangan, pak dŭh dapŭd kinyam kayuh, biyŭn kaja, pak dŭh dapŭd panu; tapa ngara dŭh biyŭn sirŭŭn.

⁸Isa-i sopŭrŭg adi ndai-i ka adi sabah dieh jadi[193] keya ka tibudo adi ngara ndai.

⁹Sabah di TUHAN, angān daya Israel. Ayŭh turung angān ka grindung angān.

¹⁰Sabah di TUHAN, angān imam Tapa. Ayŭh turung angān ka grindung angān.

¹¹Sabah di TUHAN, sopŭrŭg ngan adi nyambah Ayŭh. Ayŭh turung angān ka grindung angān.

¹²TUHAN ingat ata ka re nyiberkat ata; Ayŭh re nyiberkat daya-I Israel ka sopŭrŭg imam Tapa.

¹³ Ayŭh re nyiberkat barang naan daya adi stabi di Ayŭh, adi bās ngga adi sŭ.

¹⁴Isa-i TUHAN nggen di angān anak -- angān ngga bara sesang ngan!

¹⁵Isa-i angān dog nyiberkat TUHAN, adi napa rangit ngga ong!

¹⁶Shorga inŭh tung TUHAN sadi, pak Ayŭh nggen ong di rayat manusia.

¹⁷TUHAN dŭh dog muji daya adi kabŭs, puan kah ngara adi mūn ka yŭn adi pajam.[194]

¹⁸Pak ata, adi udip, re nggen trima kaseh di Ayŭh madin ngga ndŭg situi tui. Muji meh TUHAN!