Read Biatah Bidayuh MAZMUR 129 Bible Online

MAZMUR 129 - Biatah Bidayuh bible

MAZMUR 129

¹Israel, kidaan munki pinganyu mu kisiis kuu so kuu gibabŭ sŭ.

²“So aku gibabŭ sŭ, pinganyu ku bana kisiis aku, pak ngara gi-mating ngarah aku.

³Ngara ndai tibande tawan di punok ku ka bada-i mun tana adi ko dog majak.

⁴Pak TUHAN, adi tŭnggŭn, mbŭh pirupas aku so dog piurun.”

⁵Isa-i barang naan adi tiru di Zion dog ngarah ka dog pibu.

⁶Isa-i sopŭrŭg ngara mun kupai adi timbu di tibung ramin, adi rayu diŭ so-i timbu;

⁷mating daya sun-i bait mŭtŭs-i yŭn taban ngga bu.

⁸Mating daya adi murah-i re nang, “Isa-i TUHAN nyiberkat kuu! Kieh nyiberkat kuu ngga adŭn TUHAN.”