Read Biatah Bidayuh MAZMUR 137 Bible Online

MAZMUR 137 - Biatah Bidayuh bible

MAZMUR 137

¹Di pang sungi sungi di Babylon ata guru; diginŭ ata muās kan ata ingat Zion.

²Di daan tŭngŭn tŭngŭn poplar di arong anŭ ata kideng kachapi ta.

³Ngara adi nakap ata bada ata biragu; ngara bada ata biragu yŭn ngara: “Nang ragu pasar Zion di kieh.”

⁴Simuki ata nang ragu yŭn TUHAN di tarun tana tami?

⁵Isa-i aku dŭh dapŭd mambak kachapi dinge kambŭi aku kambŭt kuu, Jerusalem!

⁶Isa-i aku dŭh dapŭd biragu dinge kambŭi aku dŭh ingat kuu, kambŭi aku dŭh nyirundeng kuu pinyigaŭn bās ku!

⁷Ingat, TUHAN, kayuh adi daya Edom mbŭh ndai di andu Jerusalem dog sirabut. Ingat munki ngara ari nang, “Nyirubuh-i bada asur!”

⁸ Babylon, kuu re dog nyirubuh. Sanang inŭh ngara adi maras kuu amai kayuh adi kuu mbŭh ndai di kieh --

⁹adi tambit anak anak pira mu ka pān-i di batuh.