Read Biatah Bidayuh MAZMUR 14 Bible Online

MAZMUR 14 - Biatah Bidayuh bible

MAZMUR 14

¹[17] Sibudo nang di adŭp ngara, “Mating inŭh Tapa.” Sopŭrŭg ngara arap, ka ngara mbŭh ndai kayuh adi sipŭ; mating adŭ adi mbŭh ndai kayuh adi batur.

²TUHAN tingga manusia so shorga an puan agi kah mating adi bijak, agi kah mating adi nyambah Ayŭh.

³Pak sopŭrŭg ngara mbŭh sarah; sopŭrŭg ngara mbŭh brimun arap. Mating adŭ adi ndai kayuh batur, Ndi naan mating gŭh.

⁴“Dŭh kah ngara puan?” TUHAN siken. “Sopŭrŭg daya arap ati bawa kah? Ngara mirupak daya Ku ngga nyiran adŭp-i, ka ngara bŭn bidua ka Aku.”

⁵Pak ngara re tikaran, amai Tapa inŭh agi ngga ngara adi tunda pinganang-I.

⁶Ngara adi ndai kraja arap ngaso kayuh adi daya adi pirapat adŭp-i re ndai, pak TUHAN inŭh pinyigrindung ngara.

⁷Aku bidua mite pimanang mandŭg ka Israel so Zion. Munki masam gaŭn inŭh daya Israel re kan TUHAN bada ngara mujur dinge!