Read Biatah Bidayuh MAZMUR 17 Bible Online

MAZMUR 17 - Biatah Bidayuh bible

MAZMUR 17

¹[22] Dingah, O TUHAN, di pimite ku yŭn pinŭnggŭn; mbit piduri di sien ku mite turung! Dingah dua ku adi aku jugan ngga atin adi sawŭ.

²Kaam sadi adŭ adi bisa nang aku dŭh sarah, sabab Kaam puan kayuh adi batur.

³Kaam puan atin ku. Kaam mbŭh mandŭg ka yŭn ku singarŭm; Kaam muko nakit piruh aku ka dapŭd mating pinyiraan adi arap darŭm aku.

⁴Aku mating minyu arap mun daya bŭkŭn; aku turut di pritah mai ka bŭn tunda aran ganas.

⁵Aku mbŭh ari udip nanyam ka pinyiraan Mai ka bŭn aku miriseu.

⁶Aku bidua ka Kaam, O Tapa, sabab Kaam nam aku; ngapŭi bigiring ka aku ka dingah pinganang ku.

⁷Pinandŭng pinyirindu bās Mai ka nyiramat aku. Sindŭk Kaam aku siramat so pinganyu ku.

⁸Grindung aku nimun Kaam kingat batŭh adŭp Mai; sukan aku di sayung ribo urad Mai

⁹so serang daya arap. Pinganyu adi ganas kirurung aku;

¹⁰ngara dŭh biyŭn masi ka minyu sambuh.

¹¹Ngara madin mbŭh maning aku, ari tunda aku, nyibatŭh pluang an pitumbang aku.

¹²Ngara keya ka singah, tuman aku, raan nyirigat aku.

¹³Mandŭg TUHAN! Rawan pinganyu ku ka ngarah ngara! Nyiramat aku so daya arap ngga pedang Mai;

¹⁴nyiramat aku so ngara adi nugung buat-rata di ong. Ngukum ngara ngga sangsara adi Kaam mbŭh sidia yŭn ngara. Isa-i anak ngara biyŭn sukup ka agi gŭh dŭm yŭn sukuh ngara!

¹⁵Pak aku re kiris Kaam, sabab aku mating ndai sarah; ka kan aku burah, Kaam agi ngga aku bada aku gaŭn.