Read Biatah Bidayuh MAZMUR 2 Bible Online

MAZMUR 2 - Biatah Bidayuh bible

MAZMUR 2

¹Mani bangsa bangsa bisatur an birawan? Mani daya ndai pekat adi dŭh tipakai?

² Bara raja birawan, bara pinguasa ngara samah bipekat rawan TUHAN ka rawan raja adi-I mien.

³“Ja ata pirupas adŭp ta so kuasa ngara,” ngara nang; “Ja ata nyirubuh pinyipritah ngara.”

⁴So takta-I di shorga TUHAN tawŭh ka nyirimbe pusar ngara adi dŭh biguna.

⁵Komŭnŭ Ayŭh bakan ngara darŭm baji ka pitaru ngara ngga riyŭn-I.

⁶“Di Zion,[1] sandah kudus Ku,” Ayŭh nang, “Aku mbŭh piguru raja Ku.”

⁷ “Aku re piagah,” raja nang, “kayuh adi TUHAN mbŭh nang. Ayŭh nang di aku: “Kuu inŭh anak Ku; andu ati Aku jadi Sama mu.

⁸Mite, ka Aku re nggen di kuu sopŭrŭg bangsa; ndi ong ong re jadi tung jamu.

⁹ Kuu re pirandŭk ngara pakai sikud basi; kuu re pirandŭk ngara bada asur keya ka priok tana.’ ”

¹⁰Madin dingah pinyibakan ati, angān adi bara raja; birajar kayuh ati, angān pinguasa ong:

¹¹Bituan di TUHAN ngga taru;

¹²kimŭtŭr ka mutu ubak ngan ka Ayŭh;[2] kambŭi dŭh Ayŭh re rikas baji, ka angān re rasu kabŭs. Sanang inŭh sopŭrŭg adi tudu Ayŭh yŭn pinyigrindung.