Read Biatah Bidayuh MAZMUR 21 Bible Online

MAZMUR 21 - Biatah Bidayuh bible

MAZMUR 21

¹[29] Raja munos asŭng, O TUHAN, sabab Kaam mbŭh nggen pinyibake di ayŭh; ayŭh gaŭn sabab Kaam mbŭh nggen di ayŭh pimanang.

²Kaam mbŭh nggen di ayŭh kayuh adi ruai-i raan; Kaam mbŭh nam pimite-i.

³Kaam mandŭg ka yŭn-i ngga berkat bās ka na makota mas di ubak-i.

⁴Ayŭh mite udip, ka Kaam nggen-i, udip adi tui.

⁵Bragah-i bās sabab pinurung Mai; Kaam mbŭh bada ayŭh timagah buang bikuasa.

⁶Berkat Mai agi ngga ayŭh ndŭg situi tui ka Kaam agi ngga ayŭh mbŭh bada ayŭh gaŭn.

⁷Raja sabah di TUHAN Bisa-pŭrŭg; ka sabab pinyirindu TUHAN adi dŭh bisa birubah Ayŭh re ari siramat.

⁸Raja re nakap sopŭrŭg pinganyu-i; ayŭh re nakap barang naan adi tiru di ayŭh.

⁹Mun apui bijagu Ayŭh re pirabur ngara kan Ayŭh tatŭng. TUHAN re man ngara ngga baji-I, ka apui re man ngara.

¹⁰Ndi mating gŭh sesang ngara re dŭm; raja re siŭ sopŭrŭg ngara.

¹¹Ngara bisatur, ka bipekat rawan ayŭh, pak ngara dŭh re tungang.

¹²Ayŭh re nimbak ngara ngga reja panah-I ka bada ngara bikaduh bu.

¹³Kieh muji Kaam, O TUHAN, amai pinyibake bās Mai! Kieh re biragu ka muji kuasa Mai.