Read Biatah Bidayuh MAZMUR 26 Bible Online

MAZMUR 26 - Biatah Bidayuh bible

MAZMUR 26

¹[39] Kadŭn aku dŭh sarah, O TUHAN, sabab aku ndai kayuh adi batur ka ruai sabah di Kaam.

²Piruh aku ka suba aku, O TUHAN; pirasa pinyiraan ka pikir-kira ku,

³Pinyirindu Mai adi dŭh bisa birubah inŭh pinyiruton ku; pinyitŭtŭd Mai ari nyiruton aku.[40]

⁴Aku dŭh biayo ngga daya adi dŭh tipakai; aku dŭh bigaur ngga daya pingadong.

⁵Aku dŭh suka bigaur ngga daya adi arap ka pijo adŭp ku so daya ginaka.

⁶TUHAN, aku ngu tangan ku, ngga kiren aku dŭh sarah ka nganing mija-sambah Mai buang nyambah Kaam.

⁷Aku nang ragu trima kaseh ka kidaan sopŭrŭg pingandai saruh Mai.

⁸Aku rindu ramin adi yŭn Mai rŭŭ, O TUHAN, tarun yŭn adi puno ngga bragah Mai.

⁹Dŭhnyah pirabur aku ngga daya bidosa; kadi aku so nasip daya pinyiŭ --

¹⁰ngara adi ari ndai arap ka adi ari sidia an kambat suap.

¹¹Pak aku ati, aku ndai kayuh adi batur; masi di aku ka nyiramat aku!

¹²Aku pagŭng so sopŭrŭg pinyusah; di uruk daya-I aku muji TUHAN.