Read Biatah Bidayuh MAZMUR 32 Bible Online

MAZMUR 32 - Biatah Bidayuh bible

MAZMUR 32

¹[50] Sanang inŭh ngara adi dog apun dosa-i, adi dog apun pingandai sarah-i.

²Sanang inŭh sianŭ adi TUHAN dŭh nyarah sitagar pingandai sarah-i ka sianŭ adi dŭh pinipu.

³Kan aku dŭh ngaku dosa ku, aku kawŭk amai sien ndi andu andu.

⁴Sandu singarŭm Kaam ngukum aku, TUHAN; pinyibake ku mbŭh abo, mun sipot-abun badŭh bada paras sura.

⁵Komŭnŭ aku ngaku dosa ku di Kaam; aku dŭh sukan pingandai sarah ku. Aku mbŭh natu an ngaku-i di Kaam, ka Kaam apun sopŭrŭg dosa ku.

⁶Ngapŭi sopŭrŭg daya Mai adi tŭtŭd patut bidua ka Kaam di tipuh sutok;[51] kan uba bās pinyusah mandŭg, ayŭh dŭh re ndŭg ngara.

⁷Kaam inŭh yŭn ku bisukan; Kaam re nyiramat aku so pinyusah, aku bana biragu pasar pinyiramat Mai, sabab Kaam grindung aku.

⁸TUHAN nang, “Aku re ngajar kuu aran adi patut kuu kadŭg; aku re ngajar ka pitayan kuu.

⁹Dŭhnyah budo mun kuda puan kah mun kuda pinakan kaldi, adi dŭh siŭn dŭh an dog nguru ngga basi-gŭngŭm ka taris ngga bada-i nurut.”

¹⁰Adi ginaka re sangsara, pak ngara adi sabah di TUHAN dog grindung pinyirindu-I adi dŭh bisa birubah.

¹¹Angān adi tŭnggŭn, jadi gaŭn ka pawŭn sabab kayuh adi TUHAN mbŭh ndai. Angān adi tunda pinganang-I, nyirais ngga gaŭn!