Read Biatah Bidayuh MAZMUR 36 Bible Online

MAZMUR 36 - Biatah Bidayuh bible

MAZMUR 36

¹[54] Dosa minyu ngga daya ginaka darŭm atin-i; ngara tirawan Tapa ka dŭh taru di Ayŭh.

²Sabab ngara mingangŭn, ngara pikir Tapa dŭh re dapŭd dosa ngara ka nyarah-i.

³Piminyu ngara inŭh arap ka puno ngga kadong; ngara dŭh tia ndai pingandai bijak ngga pingandai kana.

⁴Ngara bisatur kayuh adi arap di tika ngara guring di ambok; mating pingandai ngara kana, ka ngara bŭn taran tadŭ kayuh adi arap.

⁵TUHAN, pinyirindu Mai adi dŭh bisa birubah mbŭh bigatung ndŭg rangit; pinyitŭtŭd Mai bigatung ndŭg rangit.

⁶Pinŭnggŭn Mai tagap keya ka darŭd; ka pinyitŭnggŭn Mai keya ka pinyitŭrŭp rawŭt. Kaam kingat manusia ngga dāng.

⁷O Tapa, munki masam brega-i pinyirindu Mai adi dŭh bisa birubah! Kieh dapŭd pinyigrindung di sayung ribo urad Mai.

⁸Kieh bigawai ngga bagŭ pinguman adi Kaam mbŭh nggen; Kaam bada kieh nok so sungi pinyikana Mai.

⁹Kaam inŭh atak sopŭrŭg udip, ka sabab jawa Mai kieh kiris jawa.

¹⁰Pijuu rindu ngara adi puan Kaam ka ndai kana di ngara adi tŭnggŭn.

¹¹Dŭhnyah bada daya adi sambuh nyerang aku puan kah bada daya adi ginaka bada aku bikaduh bu.

¹²Tingga tarun yŭn daya adi arap mbŭh rabu. Diginŭ ngara guring, ka dŭh dapŭd makat.