Read Biatah Bidayuh MAZMUR 4 Bible Online

MAZMUR 4 - Biatah Bidayuh bible

MAZMUR 4

¹[3] Nam aku kan aku bidua, O Tapa, adi pingibān ku! Kan aku darŭm pito, Kaam turung aku. Mandis ngga aku madin ka dingah dua ku.

²Re tian-ki angān pimangŭh Aku? Re tian-ki angān rindu kayuh adi dŭh biguna ka tadak kayuh adi dŭh batur?

³Ingat nŭh TUHAN mbŭh mien daya adi tŭnggŭn yŭn adŭp-I, ka Ayŭh dingah kan aku bagan Ayŭh.

⁴ Kimŭtŭr taru ka dŭh tia bidosa; pikir tŭrŭp jeja ka kayuh anŭ, kan kuu pajam guring di ambok mu.

⁵Jugan sadis adi batur ka TUHAN, ka sabah di Ayŭh.

⁶Bagŭ daya bidua: “Nggen bagŭ berkat di kieh, O TUHAN. Tingga kieh ngga mandis Mai!”

⁷Pak pinyigaŭn adi nggen Mai di aku rabis dŭ so adi re ngara biyŭn samŭn gandom ngga wain.

⁸Kan aku guring, aku bŭŭs sanang; Kaam sadi, O TUHAN, adi bada aku sukup pagŭng.