Read Biatah Bidayuh MAZMUR 45 Bible Online

MAZMUR 45 - Biatah Bidayuh bible

MAZMUR 45

¹[68] Atin ku puno ngga pinganang kana, darŭm aku nimbur ragu ati yŭn raja. Nimun pen pinuris adi pandai jura ku mbŭh sidia ngga patun.

²Kaam inŭh dari adi siabo ramus; kaam inŭh daya adi siradik minyu. Tapa mbŭh siraru nyiberkat kaam.

³Nakin pedang mai, raja adi bake; kaam inŭh bibragah ka bikuasa.

⁴Panu meh ngga kuasa nuju pimanang yŭn ngibān pinyawŭ ngga pinyitŭnggŭn![69] Pinyibake mai re bada kaam dapŭd pimanang bās!

⁵Reja-panah mai reja, ka-i tabŭk atin bara pinganyu mai; bangsa bangsa re rabu di kaja mai.

⁶Takta adi Tapa mbŭh nggen di kaam[70] re tan adu adu. Kaam mritah daya mai ngga pinyitŭnggŭn;

⁷kaam rindu kayuh adi batur ka tiru kayuh adi arap. Sabab anŭ Tapa, Tapa mai, mbŭh mien kaam ka mbŭh bada kaam sanang dŭ so tadŭ tadŭ raja adi bŭkŭn.

⁸Barung dagŭn myrrh ngga gaharu inŭh di piraka mai; bara pimain musik nyiramŭn kaam di istana adi dog ngabuh ngga bŭbŭt bŭbŭt gajah.

⁹Di dupan bara dayung di ramin mai agi bara anak dayung raja, ka mijog di tura ka tauh takta mai inŭh adi re jadi sawŭn mai, pakai pimakai mas adi grua.

¹⁰Kuu adi re jadi sawŭn raja, dingah pinganang ku -- kambŭt daya mu ngga bara madis mu.

¹¹Ramus mu re bada raja ripong di kuu; ayŭh inŭh tuan mu, jadi kuu dŭh siŭn dŭh nundok di ayŭh.

¹²Daya so Tyre re taban pinganggen ka kuu; daya kaya re suba mbit atin mu.

¹³Anak dayung raja mŭrŭt istana -- ayŭh adi raru ramus! Gaon-i dog nanun ngga tiburi mas.

¹⁴Ngga gaon-i adi bagŭ masam kala-i ayŭh dog taban ka yŭn raja, dog tunda bara dingan-i adi dayung, ka ngara gŭh dog taban ka yŭn raja.

¹⁵Gaŭn buang pawŭn asŭng ngara mandŭg ka mŭrŭt istana raja.

¹⁶Kaam, raja ku, re biyŭn bagŭ anak dari adi re gati tayung-babuk mai jadi raja, ka Kaam re bada ngara jadi pinguasa di ndi ong ong.

¹⁷Ragu ku re bada kaam timagah adu adu, ka barang naan re muji kaam ndŭg situi tui.